"வருங்கால நிரந்தர முதல்வர் தயாநிதி அழகிரி".... புதிய ஃபேஸ்புக் பக்கத்தால் சலசலப்பு

சென்னை: தி.மு.க.வில் முதல்வர் வேட்பாளர் கருணாநிதியா? மு.க.ஸ்டாலினா என்ற பஞ்சாயத்து இன்னும் ஓய்ந்தபாடில்லை. அதற்குள் அடுத்த தலைமுறை இடையே பஞ்சாயத்து கிளம்பிவிட்டது.

2016ம் ஆண்டில் ஸ்டாலின் முதல்வர் என்ற பெயரில் சமூக வலைத்தளங்களில் பல கணக்குகள் உருவாக்கப்பட்டு தகவல்கள் பகிரப்படுகின்றன. இதற்குப் போட்டியாக தயாநிதி அழகிரியை உசுப்பேற்றி வருகின்றனர் அவரது ஆதரவாளர்கள்

‘வருங்கால நிரந்தர முதல்வர் தயாநிதி அழகிரி' என்ற பெயரில் ஃபேஸ்புக்கில் கணக்கு ஆரம்பித்து அதில் தகவல்களைப் பகிரத் தொடங்கியுள்ளனர்.

இந்தப்பக்கத்தில் ஆதரவாகவும் எதிர்ப்பாகவும் சிலர் கருத்துக்களைப் பதிவிட்டு வருகின்றனர். செம காமெடி என்று ஒருவரும், எங்க அண்ணனை எதிர்த்தால் முதல்வர் வேட்பாளராக கூட ஆக முடியாது என்று மற்றொருவரும் பதிவிட்டுள்ளனர்.

ஸ்டாலின் அவரது அண்ணன் அழகிரி இடையேயான போர் இன்னும் ஓய்ந்த பாடில்லை இதில் தயாநிதி அழகிரியை வேறு உசுப்பேற்றி விடுகின்றனர் அவரது ஆதரவாளர்கள். இது எங்கே போய் முடியுமோ?

அதே நேரத்தில் இதில்போடப்படும் பதிவுகளைப் பார்த்தால் தயாநிதி அழகிரியை வம்பில் மாட்டுவிட்டு கலாய்க்கிற நோக்கத்துடன் இக்கணக்கு தொடங்கப்பட்டுள்ளதாகவும் தெரிகிறது என்பது குறிப்பிடத்தக்கது.

English summary

A new face book account open "Future CM in TamilNadu Dhayanidhi Azhagiri"