முதல்வர் ஓபிஎஸ்சுக்கு 66வது பிறந்த நாள்… மு.க. ஸ்டாலின் தொலைபேசியில் வாழ்த்து
தமிழக முதல்வர் ஓ. பன்னீர்செல்வத்தின் 66வது பிறந்த நாளான இன்று மு.க. ஸ்டாலின் தொலைபேசியில் வாழ்த்து தெரிவித்தார்.
சென்னை: தமிழக முதல்வர் ஓ. பன்னீர்செல்வத்தின் 66வது பிறந்த தினம் இன்று. இவருக்கு தமிழக எதிர்க்கட்சித் தலைவரும், திமுகவின் செயல் தலைவருமான மு.க. ஸ்டாலின் தொலைபேசியில் வாழ்த்து தெரிவித்துள்ளார்.
இதுகுறித்து மு.க. ஸ்டாலின் தனது பேஸ்புக் பதிவில், 66வது பிறந்த நாள் காணும் மாண்புமிகு தமிழக முதலமைச்சர் திரு ஒ.பன்னீர்செல்வம் அவர்களுக்கு எனது மனமார்ந்த பிறந்த நாள் வாழ்த்துகளும், பொங்கல் திருநாள் மற்றும் தமிழ்ப் புத்தாண்டு வாழ்த்துகளையும் தொலைபேசியில் தெரிவித்தேன். அவருடைய பொது வாழ்வு சிறக்கவும், நீண்ட ஆயுளுடன் மக்கள் பணியாற்றவும் வாழ்த்தினேன் என்று குறிப்பிட்டுள்ளார்.
அதிமுகவின் பொதுச் செயலாளராக இருந்து மறைந்த ஜெயலலிதா உயிருடன் இருந்த வரை, எதிர்க்கட்சித் தலைவர்களும், ஆளும் கட்சித் தலைவர்களும் இப்படி ஒருவருக்கொருவர் வாழ்த்து சொல்வது முற்றிலும் இல்லாமல் இருந்தது.
இந்நிலையில், ஜெயலலிதாவின் மறைவிற்கு பிறகு, தமிழகத்தின் இரு பெரும் கட்சியின் தலைவர்கள் சந்தித்துக் கொள்வதும், கோரிக்கை மனுக்களை கொடுப்பதும், பெறுவதும், வாழ்த்துகள் சொல்வதும் என்ற பண்பாடு உருவாகியிருப்பது தமிழக அரசியல் சூழலில் நல்ல ஒரு மாற்றமாக பொதுமக்களால் கருதப்படுகிறது.
Click it and Unblock the Notifications
Sign in with Google