மயிலாடுதுறை லோக்சபா தொகுதி: 12-வது முறையாக வென்று புதிய வரலாறு எழுதுமா காங்கிரஸ்?

மயிலாடுதுறை: தமிழ்நாட்டில் காங்கிரஸ் கட்சி அதிகமான முறை வென்ற தொகுதி மயிலாடுதுறை என்ற பெருமையை இம்முறை அக்கட்சி தக்க வைக்குமா? என்பது எதிர்பார்ப்பு.

மயிலாடுதுறை லோக்சபா தொகுதியில் இடம் பெற்றுள்ள சட்டசபை தொகுதிகள்: சீர்காழி (தனி), மயிலாடுதுறை, பூம்புகார், திருவிடைமருதூர் (தனி), கும்பகோணம், பாபநாசம். காங்கிரஸ் கட்சியின் கோட்டை என்று சொல்லும் அளவுக்கு 11 முறை வென்ற தொகுதி. அதிமுக 2 முறை, திமுக 1 முறை வென்ற தொகுதி.

மயிலாடுதுறை லோக்சபா தொகுதி மொத்த வாக்காளர்கள் 15,38,351: ஆண்கள்- 7,56,846; பெண்கள் - 7,81,436; 3-ம் பாலினத்தவர் 69.

2009-ம் ஆண்டு தேர்தல் முடிவுகள்

ஓ. எஸ். மணியன்(அதிமுக) 3,64,089
மணிசங்கர் அய்யர்(காங்கிரஸ்) 3,27,235
கே. பாண்டியன் (தேமுதிக) 44,754
ஜவாஹிருல்லா(மனிதநேய மக்கள் கட்சி) 19,814
கார்த்திகேயன்(பாஜக) 7,486

2014-ம் ஆண்டு தேர்தல் முடிவுகள்

ஆர். கே. பாரதி மோகன்(அதிமுக )5,13,729
ஹைதர்அலி(மனிதநேய மக்கள் கட்சி) 2,36,679
அகோரம்( பா.ம.க) 1,44,085
மணிசங்கர் அய்யர் (காங்கிரஸ்) 58,465

2019-ம் ஆண்டு தேர்தல் முடிவுகள் - 28 ஆண்டுகளுக்கு பின் திமுக போட்டியிட்டு வென்றது.

ராமலிங்கம் (திமுக) 5,99,292
ஆசைமணி (அதிமுக) 3,37,978
செந்தமிழன் (அமமுக) 69,080
சுபாஷ்னி (நாம் தமிழர் கட்சி) 41,056
ரெபயுதின்(மக்கள் நீதி மய்யம்) 17,005

2024ம் ஆண்டு தேர்தல் களத்தில்

சுதா (காங்கிரஸ்)
பாபு (அதிமுக)
ஸ்டாலின் (பாஜக)
காளியம்மாள் (நாம் தமிழர் கட்சி)

மயிலாடுதுறை கள நிலவர்ம என்ன?: காங்கிரஸ் எம்பிக்களாக முதுபெரும் தலைவர் மறைந்த மரகதம் சந்திரசேகர், பக்கீர் முகமது, மணிசங்கர் அய்யர், பிவி ராஜேந்திரன் உள்ளிட்டோர் இருந்துள்ளனர். 1951-ல் இரட்டை உறுப்பினர் முறை அமலில் இருந்த காலத்தில் காங்கிரஸ் எம்பியாக சந்தானம் இருந்தார். பின்னர் தனித் தொகுதியாக மாற்றப்பட்ட போது 1962-ல் மகரதம் சந்திரசேகர் எம்பியாக இருந்தார். 1967, 1971-ல் திமுக தொடர்ந்து இத்தொகுதியில் வென்றது. 1977, 1980, 1984, 1989, 1991-ல் தொடர்ந்து காங்கிரஸ் மயிலாடுதுறையில் வெற்றி வாகை சூடியது. குடந்தை ராமலிங்கம் 2 முறையும் பக்கீர் முகம்மது 2 முறையும் மணிசங்கர் அய்யர் ஒருமுறையும் வென்றிருந்தார். 1996, 1998-ல் தமிழ் மாநில காங்கிரஸ் கட்சியின் பிவி ராஜேந்திரன், கிருஷ்ணமூர்த்தி வென்றனர். 1999, 2004-ம் ஆண்டு லோக்சபா தேர்தல்களில் அடுத்தடுத்து மணிசங்கர் அய்யர் வென்றார். மயிலாடுதுறை தொகுதியில் மணிசங்கர் அய்யர் 3 முறை வெற்றி பெற்றார். 2009-ல் அதிமுகவின் ஓ.எஸ். மணியன், 2014-ல் அதிமுகவின் பாரதி மோகன், 2019-ல் திமுகவின் ராமலிங்கம் இத்தொகுதியில் வென்றனர். காங்கிரஸ் கட்சிக்கு கணிசமான வாக்கு வங்கி உள்ளது. இதனால் காங்கிரஸ் கட்சிக்கே இந்த தொகுதி ஒதுக்கப்படுவது வழக்கமாக இருந்து வருகிறது. இம்முறை யார் வேட்பாளர் என அறிவிக்கப்படுவதில் பெரும் இழுபறியாகி கடைசியில் வழக்கறிஞர் சுதாவை வேட்பாளராக அறிவித்தது காங்கிரஸ். பாமகவுக்கும் இங்கு வாக்கு வங்கி உள்ளது. அதிமுக கணிசமான வாக்கு வங்கியைக் கொண்ட தொகுதி.

English summary

Explore Mayiladuthurai Lok Sabha Constituency: Candidates, Assembly Constituencies, Voter Count, Past Results & Current Status. மயிலாடுதுறை மக்களவைத் தொகுதி: வேட்பாளர்கள், சட்டமன்றத் தொகுதிகள், வாக்காளர் எண்ணிக்கை, தேர்தல் முடிவுகள் & தற்போதைய கள நிலவரம் பற்றி அறிய இந்த பக்கத்தை பார்க்கவும்.