சூரியனைக் கடந்து செல்லும் புதன்... திங்கள்கிழமை பார்க்கலாம்!

Updated: Saturday, May 7, 2016, 15:50 [IST]

Subscribe to Oneindia Tamil

சென்னை: புதன் கிரகம் (மெர்க்குரி) 9ம் தேதி சூரியனுக்கு முன்பாக குறுக்காக கடந்து செல்லவுள்ளது. நூற்றாண்டுக்கு 13 முறை இந்த நிகழ்வு நடைபெறுகிறது. இந்த நிகழ்வை வருகிற திங்கள்கிழமை உலகம் முழுவதும் உள்ள மக்கள் பார்க்கலாம். இதைக் காண சிறப்பு ஏற்பாடுகளை விஞ்ஞானிகளும், அறிவியல் மையங்களும் செய்துள்ளனர்.

புதன் இடை மறைப்பு என்று இதை வர்ணிக்கின்றனர். நமது சூரியக் குடும்பத்திலேயே மிகவும் சிறிய கிரகம் மெர்க்குரி எனப்படும் புதன் கிரகம்தான். சூரியனுக்கு வெகு அருகில் உள்ள கிரகம் இது. இது ஒரு நூற்றாண்டில் 13 முறை சூரியனைக் கடந்து செல்கிறது.