ஹார்வர்டு பல்கலை தமிழ் இருக்கைக்கு ரூ.1 கோடி.. திமுகவுக்கு அமைச்சர் வரவேற்பு!
ஹார்வர்டு பல்கலைக்கழக தமிழ் இருக்கைக்கு திமுக ரூ.1 கோடி நிதி தருவதை வரவேற்கிறோம் என அமைச்சர் மாஃபா பாண்டியராஜன் தெரிவித்துள்ளார்.
Recommended Video
சென்னை: ஹார்வர்டு பல்கலைக்கழக தமிழ் இருக்கைக்கு திமுக ரூ.1 கோடி நிதி தருவதை வரவேற்கிறோம் என அமைச்சர் மாஃபா பாண்டியராஜன் தெரிவித்துள்ளார்.
உலகத் தரவரிசையில் முதலிடத்தில் இருக்கிறது 350 ஆண்டுகள் பழமையான ஹார்வர்டு பல்கலைக்கழகம். அதில் 2,500 ஆண்டுகள் பழமைவாய்ந்த தமிழ் மொழிக்கு இருக்கை அமைக்கும் முயற்சி கடந்த 3 ஆண்டுகளாக நடைபெற்று வருகிறது.
ஹார்வர்டு பல்கலைக்கழகத்தில் தமிழ் இருக்கை அமைக்க அந்தப் பல்கலைக்கழகத்துக்குச் செலுத்தவேண்டிய மொத்த ஆதார நிதியாக ரூ.40 கோடி தேவைப்படுகிறது. இந்நிலையில் பல்வேறு அரசியல் கட்சியினர் தமிழ் அமைப்புகள் மற்றும் வெளிநாடு வாழ் தமிழர்கள் நிதியுதவி செய்து வருகின்றனர்.
எட்டிவிடும் தூரத்தில்
இந்நிலையில் அமைச்சர் மாஃபா பாண்டியராஜன் சென்னையில் இன்று செய்தியாளர்களை சந்தித்தார். அப்போது ஹார்வர்டு பல்கலைக் கழக தமிழ் இருக்கை கனவு எட்டிவிடும் தூரத்தில் இருப்பதாக அவர் தெரிவித்தார்.
இன்னும் 2 வாரங்களில்
தமிழ் இருக்கைக்கு தேவையான எஞ்சிய ரூ.1 கோடி இம்மாத இறுதிக்குள் கிடைக்கும் என்றும் அமைச்சர் மாஃபா பாண்டியராஜன் தெரிவித்தார். ஹார்வர்டு பல்கலையில் தமிழ் இருக்கைக்கான வேலைகள் இன்னும் இரண்டு வாரங்களில் நிறைவு பெறும் என்றும் அமைச்சர் மாஃபா பாண்டியராஜன் தெரிவித்தார்.
புதிய தமிழ்சொற்கள்
ஹார்வர்டு பல்கலைக்கழக தமிழ் இருக்கைக்கு திமுக ஒரு கோடி ரூபாய் நிதி வழங்கியிருப்பது வரவேற்கத்தக்கது என்றும் அமைச்சர் மாஃபா பாண்டியராஜன் தெரிவித்தார். மேலும் புதிதாக 2500 தமிழ்ச்சொற்களை உருவாக்கும் பணி நடைபெறுகிறது என்றும் அமைச்சர் மாஃபா பாண்டியராஜன் தெரிவித்தார்.
வழக்காடு மொழி
விரைவில் முதல்வர் இதற்கான அரசாணையை வெளியிடுவார் என்றும் அவர் கூறினார். உயர் நீதிமன்றத்தில் தமிழை வழக்காடு மொழியாக அறிவிக்க முயற்சிகள் நடைபெற்று வருவதாகவும் அமைச்சர் மாஃபா பாண்டியராஜன் தெரிவித்தார்.
Click it and Unblock the Notifications
Sign in with Google