திடீர் உடல்நலக்குறைவு.. அமைச்சர் ராஜேந்திர பாலாஜி மருத்துவமனையில் அனுமதி

சென்னை: தமிழக ஊரகத் தொழில் துறை அமைச்சர் ராஜேந்திர பாலாஜி சிறுநீரக கோளாறு காரணமாக சென்னை தனியார் மருத்துவமனையில் அனுமதிக்கப்பட்டுள்ளார்.

சிவகாசி தொகுதி அதிமுக எம்.எல்.ஏ.வான ராஜேந்திர பாலாஜி முதல்வர் ஜெயலலிதா தலைமையிலான தமிழக அமைச்சரவையில் 2வது முறையாக அமைச்சராக உள்ளார். கடந்த முறை செய்தி, சிறப்புப் பணிகள் செயலாக்கத் துறை அமைச்சராக இருந்தார். தற்போது ஊரகத் தொழில் துறை அமைச்சர் அமைச்சராக பணியாற்றி வருகிறார்.

விருதுநகர் மாவட்டத்தைச் சேர்ந்த இவர் சிறுநீரகத்தில் கல் அடைப்பு காரணமாக கடந்த சில நாட்களாக அவதிப்பட்டு வந்துள்ளதாக தகவல்கள் வெளியாகியுள்ளது. இந்தநிலையில் தேனாம்பேட்டையில் உள்ள தனியார் மருத்துவமனையில் அனுமதிக்கப்பட்டுள்ளார். தொடர்ந்து மருத்துவர்கள் அவருக்கு சிகிச்சை அளித்து வருகின்றனர்.

தொடர்ந்து ஓரிரு நாட்கள் மருத்துவமனையில் அனுமதிக்கப்பட்டு சிகிச்சை பெற வேண்டியிருக்கும் என்று மருத்துவமனை வட்டாரங்கள் தெரிவித்தன.

English summary

ADMK minister Rajendra Balaji is admitted in private hospital in Chennai.