கருணாநிதி நினைவிடத்தில் முக அழகிரி குடும்பத்துடன் அஞ்சலி

மறைந்த திமுக தலைவர் கருணாநிதியின் நினைவிடத்தில் அவரது மகனும் முன்னாள் அமைச்சருமான முக அழகிரி இன்று அஞ்சலி செலுத்தினார்.

சென்னை மறைந்த திமுக தலைவர் கருணாநிதியின் நினைவிடத்தில் அவரது மகனும் முன்னாள் அமைச்சருமான முக அழகிரி இன்று அஞ்சலி செலுத்தினார்.

திமுக தலைவர் கருணாநிதி கடந்த 7ஆம் தேதி உடல்நலக் குறைவால் சென்னை காவேரி மருத்துவமவனையில் சிகிச்சை பலனின்றி காலமானார். அவரது உடல் கடந்த 8ஆம் தேதி சென்னை மெரினாவில் உள்ள அண்ணா நினைவிடம் அருகே அடக்கம் செய்யப்பட்டது.

மூத்த அரசியல்வாதியான கருணநிதியின் உடல் நல்லடக்கம் செய்யப்பட்ட இடத்தில் கடந்த 6 நாட்களாக அவரது குடும்பத்தினரும், திரைத்துறையினரும், திமுக தொண்டர்களும் தொடர்ந்து அஞ்சலி செலுத்தி வருகின்றனர்.

இந்நிலையில் கருணாநிதியின் மகனும் முன்னாள் மத்திய அமைச்சருமான முக அழகிரி இன்று அவரது நினைவிடத்தில் அஞ்சலி செலுத்தினார். மனைவி காந்தி, மகன் துரை தயாநிதியுடன் அழகிரி அஞ்சலி செலுத்தினார்.

English summary

MK Azhgiri pays tribute in Karunanidhi's memorial.