• search

கருணாநிதியும் சோம்நாத் சாட்டர்ஜியும் நெருங்கிய நண்பர்கள்- மு.க.ஸ்டாலின்

By Lakshmi Priya
FOLLOW ONEINDIA TAMIL ON
For Quick Alerts
ALLOW NOTIFICATIONS
For Daily Alerts
      மக்களவை முன்னாள் சபாநாயகர் சோம்நாத் சட்டர்ஜி மறைவு- வீடியோ

      சென்னை: கருணாநிதியும் சோம்நாத் சாட்டர்ஜியும் நெருங்கிய நண்பர்களாக இருந்தனர் என்று திமுக செயல்தலைவர் மு.க.ஸ்டாலின் தெரிவித்தார்.

      முன்னாள் சபாநாயகர் சோம்நாத் சாட்டர்ஜி சிறுநீரக கோளாறுகளால் இன்று காலமானார். அவருக்கு வயது 89. அவரது இறப்புக்கு ஜனாதிபதி, துணை ஜனாதிபதி, பிரதமர், காங்கிரஸ் உள்ளிட்ட கட்சிகளின் தலைவர்கள் இரங்கல் தெரிவித்தனர்.

      MK Stalin says that Karunanidhi and Somnath Chatterjee were thick friends

      இந்நிலையில் திமுக சார்பில் மு.க.ஸ்டாலின் வெளியிட்டுள்ள இரங்கல் செய்தியில் அவர் கூறுகையில் தலை சிறந்த பாராளுமன்ற ஜனநாயகவாதியும், அனைத்துக் கட்சியினராலும் மதிக்கப்பட்ட முன்னாள் மக்களவைத் தலைவரும், நடுநிலை தவறாத நாயகரும், மக்களவைத் தலைவர்களில் தனிச் சிறப்புமிக்கவரும், மார்க்சிஸ்ட் கட்சியின் மூத்த தலைவர்களில் ஒருவருமான சோம்நாத் சாட்டர்ஜி அவர்களின் மறைவுச் செய்தி கேட்டு அதிர்ச்சி அடைந்தேன்.

      அவரது மறைவிற்கு திராவிட முன்னேற்றக் கழகத்தின் சார்பில் ஆழ்ந்த இரங்கலைத் தெரிவித்து, அவரது குடும்பத்தினருக்கும் மார்க்சிஸ்ட் கம்யூனிஸ்ட் கட்சித் தோழர்களுக்கும் ஆழ்ந்த இரங்கலையும் அனுதாபத்தையும் தெரிவித்துக் கொள்கிறேன்.

      கழகத் தலைவர் கலைஞர் அவர்களின் நெருங்கிய நண்பராக இருந்த திரு சோம்நாத் சாட்டர்ஜி அவர்கள் பாராளுமன்ற ஜனநாயகத்தின் மாண்புகளை கட்டி காக்கும் தலைவராகவும், மக்களவையை கட்சி மன மாச்சரியங்களுக்கு அப்பாற்பட்டு நடுநிலை தவறாது நடத்தியவர். தமிழ்நாடு சட்டமன்ற பொன் விழாவில் தலைவர் கலைஞர் அவர்களின் அழைப்பினை ஏற்று பங்கேற்று தமிழ்நாட்டிற்கு பெருமை சேர்த்தவர்.

      ஆரோக்கியமான அரசியல் கருத்துகளுக்கும், ஆக்கப்பூர்வமான விவாதங்களுக்கும் பாராளுமன்றத்தில் இடம் கொடுத்து ஜனநாயக மரபுகளை பாதுகாத்த மிகச்சிறந்த தலைவரின் மறைவு பாராளுமன்ற ஜனநாயகத்திற்கும் நாட்டிற்கும் பேரிழப்பாகும்.

      இவ்வாறு ஸ்டாலின் தனது அறிக்கையில் தெரிவித்துள்ளார்.

      பொருத்தமான வரன் தேடுகிறீர்களா? தமிழ்மேட்ரிமோனியில் பதிவு இலவசம்!

      English summary
      MK Stalin expressed his condolence about Somnath Chatterjee. He says that the Karunanidhi and Somnath were friends.

      நாள் முழுவதும் oneindia
      செய்திகளை உடனுக்குடன் பெற

      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more