விபத்தில் சிக்கி தவித்த நபருக்கு ஓடிச் சென்று உதவிய மு.க.ஸ்டாலின்!

சென்னையில் சாலை விபத்தில் சிக்கியவரை மு.க.ஸ்டாலின் மருத்துவமனைக்கு அனுப்பி வைத்தார்.

சென்னை: சென்னையில் சாலை விபத்தில் சிக்கியவரை மு.க.ஸ்டாலின் வாகனம் ஏற்பாடு செய்துவைத்து மருத்துவமனைக்கு அனுப்பி வைத்தார்.

கொளத்தூர் தொகுதி எம்எல்ஏவும் திமுக செயல்தலைவருமான மு.க.ஸ்டாலின் சென்னை பெரவல்லூர் பகுதியில் உள்ள பேப்பர் மில்ஸ் சாலை வழியாக சென்று கொண்டிருந்தார். அப்போது வழியில் ஒருவர் விபத்தில் சிக்கி காயமடைந்ததை கண்டார்.

உடனே தனது வாகனத்தை விட்டு இறங்கிய ஸ்டாலின் அந்த நபரை சென்று பார்த்துவிட்டு ஆட்டோவை வரவழைத்தார். பின்னர் அவரை ஸ்டான்லி அரசு மருத்துவமனைக்கு அழைத்து செல்லுமாறு கூறினார்.

அந்த நபர் செல்வராஜ் என்றும் இரு சக்கர வாகனத்தில் சென்ற போது கார் மீது மோதியதில் விபத்தில் சிக்கியதும் தெரியவந்தது. ஆட்டோ கிளம்பும் வரை அங்கேயே இருந்துவிட்டு பின்னர் தனது வாகனத்தில் ஏறி ஸ்டாலின் புறப்பட்டார். இதை பார்த்த அப்பகுதி மக்கள் நெகிழ்ச்சி அடைந்தனர்.

English summary

DMK Working President MK Stalin helps a man who met with an accident in Peravellore. Stalin arranges him a vehicle to hospital.