எம்எஸ்வி உடல்நிலை தேறியது.. நாளை டிஸ்சார்ஜ் ஆகிறார்
சென்னை: மூத்த இசையமைப்பாளர் எம்எஸ் விஸ்வநாதனின் உடல்நிலை தொடர்ந்து சற்று தேறியுள்ளது. இதையடுத்து அவர் நாளை டிஸ்சார்ஜ் செய்யப்படவுள்ளதாக தகவல்கள் கூறுகின்றன.
எம்.எஸ். விஸ்வநாதனுக்கு சில தினங்களுக்கு முன்பு உடல் நலக்குறைவு ஏற்பட்டது. மூச்சுவிட சிரமப்பட்டார். உடனடியாக அவரை தனியார் மருத்துவமனையில் சேர்த்தனர். டாக்டர்கள் தீவிர சிகிச்சை அளித்தார்கள். ஓரிரு நாட்களில் குணமடைந்து வீடு திரும்புவார் என கூறப்பட்டது.
இசையமைப்பாளர் இளையராஜா நேரில் சென்று எம்.எஸ்.விஸ்வநாதனை சந்தித்து உடல் நலம் விசாரித்தது நினைவிருக்கலாம். எம்.எஸ்.விஸ்வநாதனுக்கு டாக்டர்கள் தொடர்ந்து சிசிக்சை அளித்தனர். ஆனாலும் உடல் நிலையில் முன்னேற்றம் ஏற்படவில்லை.
அடிக்கடி அவருக்கு நினைவு தப்பி வந்தது. தற்போது அவரது உடல் நிலையில் குறிப்பிடத்தக்க முன்னேற்றம் ஏற்பட்டுள்ளதாகவும், நாளை அவர் டிஸ்சார்ஜ் செய்யப்படவுள்ளதாகவும் தகவல்கள் கூறுகின்றன.
Click it and Unblock the Notifications
Sign in with Google