சினிமாவைவிட நேரில்தான் நக்மா ரொம்ப அழகு: காங். தலைவர் இளங்கோவன் புகழாரம்

சென்னை: சினிமாவில் நக்மா அவ்வளவு அழகாக தெரியவில்லை, ஆனால் நேரில் மிகவும் அழகாக இருக்கிறார் என்று காங்கிரஸ் கட்சியின் தமிழ் மாநில தலைவர் ஈ.வி.கே.எஸ்.இளங்கோவன் தெரிவித்துள்ளார்.

சென்னையில் சத்தியமூர்த்தி பவனில் நடைபெற்ற நிகழ்ச்சி ஒன்றில் பங்கேற்க, மகளிர் காங்கிரஸ் பொதுச்செயலாளரும், நடிகையுமான நக்மா வந்திருந்தார். அதில் காங்கிரஸ் தலைவர் இளங்கோவனும் கலந்துகொண்டார்.

இளங்கோவன் பேசுகையில், போட்டோக்களில் அழகாக தெரிபவர்கள், நேரில் அழகாக இருப்பதில்லை என்று ஒரு பொதுக்கருத்து உஉண்டு. நேரில் அழகாக இருப்பவர்கள், போட்டோவில் அழகாக தெரிவதில்லை எனவும் கூறுவர். நானே, பலரை பார்த்து, இதை அறிந்துள்ளேன்.

சினிமாவில் நக்மா, அவ்வளவு அழகாக தெரியவில்லை. ஆனால் நேரில், நல்ல அழகாகவும்; இளமையாகவும் இருக்கிறார். இதை நான் புகழ்ச்சிக்காகவோ, மிகைப்படுத்தியோ சொல்லவில்லை. உண்மையைத்தான் சொல்கிறேன் என்று இளங்கோவன் கூறினார்.

நக்மா பேசுகையில், "அரசும், அமைச்சர்களும் எப்படி இருக்க வேண்டும் என்பதற்கு காமராஜர், கக்கன் போன்றோர், உதாரணமாக இருந்தனர். அப்படிப்பட்டவர்கள் ஆட்சி செய்த தமிழகத்தில், மீண்டும் காங்கிரஸ் ஆட்சியை கொண்டு வர வேண்டும். கோஷ்டிகள் இல்லாத, காங்கிரசை வளர்க்க வேண்டும் என்றார்.

English summary

TN Congress chief Elangovan said, actress and the party executive 'Nagma looks beautiful'.