புதுச்சேரியில் யாருக்கு எத்தனை தொகுதிகள்? நக்கீரன் சர்வே முழு விவரம்

By Veera Kumar

Updated: Friday, May 13, 2016, 14:33 [IST]

Subscribe to Oneindia Tamil

புதுச்சேரி: புதுச்சேரி மாநிலத்தில், திமுக-காங்கிரஸ் கூட்டணி அதிக தொகுதிகளில் வெற்றி பெறும் என்று நக்கீரன் வார இதழ் கருத்துக்கணிப்பு வெளியிட்டுள்ளது.

தமிழகத்தை போலவே வரும் 16ம் தேதி வாக்குப்பதிவை சந்திக்கிறது புதுச்சேரி. இதையொட்டி, நக்கீரன் நடத்தியுள்ள கருத்துக் கணிப்பு தற்போது வெளியாகியுள்ளது.

இதில் தொகுதிவாரியாக வெற்றி வாய்ப்பு நிலவரம் குறித்த தகவல் இடம்பெற்றுள்ளது. அந்த தகவல் இதுதான்:

காங்கிரஸ் கூட்டணி

அரியாங்குப்பம், உழவர்கரை, நெல்லித்தோப்பு, காலாப்பட்டு, பாகூர், திருபுவனை, காமராஜ்நகர், மணவெளி, வில்லியனூர், ஏம்பலம், உருளையன்பேட்டை, நிரவி-திருப்பட்டினம், காரைக்கால் வடக்கு, திருநள்ளாறு, நெடுங்காடு-கோட்டுச்சேரி ஆகிய தொகுதிகளில் காங்கிரஸ் கூட்டணி வெற்றி பெறும்.

அதிமுக

மங்கலம், முத்தியால்பேட்டை, உப்பளம், முதலியார்பேட்டை, நெட்டப்பாக்கம் ஆகிய தொகுதிகளில் அதிமுக வெற்றி பெறும். காரைக்கால் தெற்கு, ராஜ்பவன் தொகுதிகளில், இழுபறி நிலை உள்ளது.

என்.ஆர்.காங்கிரஸ்

மண்ணடிப்பட்டு, ஊசுடு, கதிர்காமம், லாஸ்பேட்டை, இந்திராநகர், தட்டாஞ்சாவடி ஆகிய தொகுதிகளில் என்.ஆர்.காங்கிரஸ் வெற்றி பெறும் நிலையில் உள்ளது. மாஹே, ஏனம் ஆகிய இரு தொகுதிகளில் சர்வே மேற்கொள்ளப்படவில்லை.

காங்கிரஸ் கூட்டணிக்கு வாய்ப்பு

மொத்தத்தில், புதுச்சேரியில் சர்வே எடுக்கப்பட்ட 28 தொகுதிகளில் காங்கிரஸ் கூட்டணி 15 தொகுதிகளிலும், என்.ஆர்.காங்கிரஸ் 6 தொகுதிகளிலும், அதிமுக 5 தொகுதிகளிலும் வெற்றி பெற வாய்ப்புள்ளது. இரு தொகுதிகளில் யாருக்கு வெற்றி தோல்வி என்பதில் இழுபறி நிலை உள்ளது.