நாய்கள் கண்காட்சி.. அத்தனை பேரையும் கவர்ந்திழுத்த நமீதாவின் 'சாக்லேட்'

Updated: Monday, January 13, 2014, 10:37 [IST]

Subscribe to Oneindia Tamil

சென்னை: சென்னையில் நடந்த நாய்களுக்கான கண்காட்சியில் விதம் விதமான நாய்கள் கலந்து கொண்டன. விரைவில் அரசியல் கடலில் குதிக்கக் காத்திருக்கும் நாயகி நமீதாவின் நாய் சாக்லேட்டும் இதில் கலந்துகொண்டு அசத்தி விட்டது.

மெட்ராஸ் கெனைன் கிளப் சார்பில் இந்த கண்காட்சி நடந்தது. ஒய்எம்சிஏ மைதானத்தில் நடந்த இதில் ஏகப்பட்ட நாய்கள் கலந்து கொண்டன.

நமீதாவும் தனது நாய் சாக்லேட்டுடன் கலந்து கொண்டு அசத்தினார். நமீதாவின் நாயைப் பார்த்து அத்தனை பேரும் ஆச்சரியப்பட்டனர். அத்தனை குட்டி நாய் இது.

7 சுற்றுப் போட்டி

மொத்தம் 7 சுற்றுக்களில் போட்டி நடந்தது. சொல் பேச்சு கேட்பது உள்ளிட்ட பிரிவுகளில் நாய்கள் கலந்து கொண்டன.

நேற்று கேட் வாக்

நேற்று நாய்களுக்கான அலங்கார அணிவகுப்பு அதாவது கேட் வாக், பிட்னஸ் ஆகிய பிரிவுகளில் போட்டிகள் நடந்தன.

365 நாய்கள்

இந்தப் போட்டியில் நாட்டின் பல்வேறு பகுதிகளைச் சேர்ந்த 365 நாய்கள் கலந்து கொண்டன. மொத்தம் 45 இன வகை நாய்கள் பங்கேற்றன.

நமீதாவின் க்யூட் சாக்லேட்

இதில் நமீதாவின் சாக்லேட் நாயும் ஒன்று. இதை பலரும் ஆர்வமாக பார்த்து ரசித்தனர். நமீதாவைப் போலவே அவருடைய நாய்க்கும் நிறைய ரசிகர்கள் கூடிவிட்டனர்.

விஜயகாந்த் வீட்டு ஹஸ்கி நாய்

அதேபோல தேமுதிக தலைவர் விஜயகாந்த்தின் மகன் விஜய பிரபாகரன் தனது வீட்டு செர்பியன் ஹஸ்கி நாயுடன் வந்திருந்தார். அதற்கும் ஒரு கூட்டம் கூடி வேடிக்கை பார்த்தது.