"மாண்புமிகு இதயதெய்வம் 'புரட்சித் தலைவி அம்மா" இனி ஜெயா டிவியில் 'நோ'!
சென்னை: "மாண்புமிகு இதயதெய்வம் புரட்சித் தலைவி அம்மா"... என்றெல்லாம் எப்போதுமே சொல்லிக் கொண்டிருந்த ஜெயா டிவி குழுமம் தற்போது முதலமைச்சர் ஜெயலலிதா என மாற்றி குறிப்பிடுகிறது.
தமிழகத்தில் அரசியல் கட்சிகள் ஒவ்வொன்றும் டிவி சேனல்கள் வைத்திருக்கின்றன. அந்த சேனல்கள் செய்திகளில் தங்களது தலைவரை குறிப்பிடும் போது அவர்களுக்கான அடைமொழிகளை மட்டுமே குறிப்பிடுவது வழக்கம்.
ஜெயா டிவி என்றால் 'மாண்புமிகு இதயதெய்வம் புரட்சித் தலைவி அம்மா"; கலைஞர் டிவி என்றால் "தலைவர் கலைஞர்"; கேப்டன் டிவி என்றால் 'கேப்டன்" என குறிப்பிடுவர். ஜெயா டிவியைப் பொறுத்தவரை மூச்சுக்கு முன்னூறு முறை "'மாண்புமிகு இதயதெய்வம் புரட்சித் தலைவி அம்மா" என்று உச்சரிக்கப்படுவதை சமூக வலைதளங்கள் கிண்டலடித்தும் வந்திருக்கின்றன.
தற்போது ஜெயலலிதா மறைந்துவிட்டார்.. ஆனாலும் கூட அந்த 'மாண்புமிகு இதயதெய்வம் புரட்சித் தலைவி அம்மா" என்ற சொற்கள் எதுவும் ஜெயா டிவியில் சுத்தமாக இல்லை.
பொத்தாம் பொதுவாக "முதலமைச்சர் செல்வி ஜெயலலிதா" என வெறுமனே குறிப்பிடப்பட்டு வருவது குறிப்பிடத்தக்கது.
Click it and Unblock the Notifications
Sign in with Google