ஷீரடி டூர், அபிஷேக் பச்சன் சந்திப்பு, புதுப்பட ஷூட்டிங்- எதிர்க்கட்சித் தலைவர் விஜயகாந்த் ரொம்ப பிசி

By Mathi

Updated: Monday, April 13, 2020, 13:40 [IST]

Subscribe to Oneindia Tamil

சென்னை: தமிழகத்தின் பல பகுதிகள் மழை வெள்ளத்தால் தத்தளித்துக் கொண்டிருக்கின்றன.. ஆளும் அரசு மீது எதிர்க்கட்சிகள் சரமாரி குற்றம்சாட்டிக் கொண்டிருக்கின்றன.. ஆனால் இந்த மாநில சட்டசபையின் அதிகாரப்பூர்வ எதிர்க்கட்சித் தலைவரான விஜயகாந்தோ ஷீரடி சாய்பாபா கோவில் டூர், புதுப்பட சூட்டிங், அபிஷேக் பச்சான் சந்திப்பு என கடந்த ஒரு வாரமாக ரொம்பவே "பிஸியாக" மக்கள் கடமையாற்றுகிறாராம்.. இதைத்தான் சொல்கிறது அவரது ஃபேஸ்புக் பதிவுகள்.

வட தமிழகத்தில் கடந்த சில வாரங்களாக கனமழை வெளுத்து வாங்கியது.. இதனால் வெள்ளக் காடாகிக் கிடக்கிறது பல மாவட்டங்கள்..

கடலூர், திருவள்ளூர் பகுதிகளில் வெள்ள நிவாரணப் பணிகளை பார்வையிட்டார் விஜயகாந்த். அப்போதுதான் பண்ருட்டி எம்.எல்.ஏ. சிவக்கொழுந்துவுக்கு தர்ம அடி கொடுத்தார். பின்னர் திருவள்ளூரில் பொதுமக்களை அடிக்க பாய்ந்தார்... இந்த களேபரங்களோடு கேப்டனின் 'மழை வெள்ள மீட்பு' நிவாரண நடவடிக்கைகள் முடிந்துவிட்டது போல..

புது படத்தில் பிஸியோ பிஸி

கடந்த நவம்பர் 19-ந் தேதியன்று திருவள்ளூர் வெள்ள நிவாரணப் பணிகளை பார்வையிட்ட விஜயகாந்த் கடந்த ஒரு வாரமாக செம பிஸியாகிவிட்டார். அப்படி என்ன பிஸி என கேட்கிறீர்களா....

20,21-ந் தேதிகளில் "எதிர்க்கட்சித்" தலைவர் விஜயகாந்த் புது பட வேலைகளில் பிசியோ பிசி.. 22-ந் தேதி ஞாயிறன்று நடைபெற்ற விழாவுக்கு எல்லோரும் வாங்க..வாங்கன்னு ஃபேஸ்புக்கில் அழைப்பு விடுத்துக் கொண்டிருந்தார் 'எதிர்க்கட்சித்'தலைவர் விஜயகாந்த்... அப்புறமாக புது நடிகர் சங்க நிர்வாகிகளுடன் ஒரு சந்திப்பு... (மழைவெள்ள பாதிப்பு குறித்து ஆய்வு நடத்தியிருப்பாங்களோ) 22-ந் தேதி முழுவதும் புதுபடமான 'தமிழன் என்று சொல்" படத்தின் தொடக்க விழா பரபரப்பு....

அபிசேக் பச்சானுடன் சந்திப்பு

அன்று சென்னை விமான நிலையத்தில் ஐஸ்வர்யா வீட்டுக்காரர் அபிசேக் பச்சானுடன் 'உற்சாக' சந்திப்பு.. இப்படி 'சினிமா'வில் பிஸியாகி விட்டார் எதிர்க்கட்சித் தலைவர் விஜயாகந்த்..

வீடியோ

திடீர்னு ஷீரடி சாய்பா கோவிலில் விஜயகாந்தும் தேமுதிக கட்சிநிர்வாகிகளும் வழிபாடு நடத்திய சிறப்பு புகைப்படங்கள்தான்...ஹோட்டல் சுவாமி மெட்ராஸ் உரிமையாளர் ஐயருடனான புகைப்படங்கள், ரோட்டர தபா சாப்பாடு என கன ஜோராக களைகட்டுகிறது கேப்டன் ஃபேஸ்புக் பக்கம்... இதுல ஷீரடி கோயிலில் எல்லோருக்கும் இருக்கிற குரூப் வீடியோ பதிவும் வேற...

பிரபாகரன் வாழ்த்திலும் விளம்பரம்

அப்புறமா திடீர்னு பிரபாகரனுக்கு பிறந்த நாள் வாழ்த்து... என்னய்யா எலி அம்மனமா ஓடுதுன்னு பார்த்தால் பிரபாகரன் பிறந்த நாள் வாழ்த்திலும் புதுபடத்துக்கு விளம்பரம் தேடும் கேவலமான பஞ்சாயத்து..

ஓட்டுப் போட்டு தேர்ந்தெடுத்து எங்களுக்கு பணியாற்றுங்கன்னு எதிர்க்கட்சித் தலைவராக்கினார்கள் மக்கள்... ஆம் மக்களுக்காக ரொம்ப பிஸிங்கோ நம்ம தலைவருங்க... என்கிற வகையில் செயல்பட்டு வருகிறார் விஜயகாந்த்