கருணாநிதி எப்படி இருக்கிறார்? வெளியானது சிகிச்சை பெறும் புகைப்படம்!

திமுக தலைவர் கருணாநிதி காவேரி மருத்துவமனையில் சிகிச்சை பெறும் புகைப்படம் வெளியாகி உள்ளது.

சென்னை: திமுக தலைவர் கருணாநிதி காவேரி மருத்துவமனையில் சிகிச்சை பெறும் புகைப்படம் வெளியாகி உள்ளது.

திமுக தலைவர் கருணாநிதியின் உடல்நிலை குறித்து விசாரிக்க துணை ஜனாதிபதி வெங்கைய்யா நாயுடு காவேரி மருத்துவமனைக்கு சென்றார். அவரை மருத்துவமனையில் நேரில் சந்தித்தார். திமுக தலைவர் கருணாநிதிக்கு சிறுநீரக நோய் தொற்று மற்றும் இரத்த அழுத்த பிரச்சனை ஏற்பட்டுள்ளது.

3 நாட்களுக்கு முன்பு அவருக்கு சிறுநீரக நோய் தொற்று ஏற்பட்டுள்ளது. கருணாநிதிக்கு தொடர்ந்து இரண்டாவது நாளாக சிகிச்சை அளிக்கப்பட்டு வருகிறது.காவேரி மருத்துவமனை மருத்துவர்கள் சிகிச்சை அளித்து வருகிறார்கள்.

இந்தநிலையில் கருணாநிதியின் உடல்நிலை குறித்து விசாரிக்க துணை ஜனாதிபதி வெங்கைய்யா நாயுடு காவேரி மருத்துவமனைக்கு வந்தார்.

தற்போது கருணாநிதி காவேரி மருத்துவமனையில் சிகிச்சை பெறும் புகைப்படம் வெளியாகி உள்ளது. துணை குடியரசுத் தலைவர் வெங்கைய்யா நாயுடு அவருடன் நிற்கும் போது இந்த புகைப்படம் எடுக்கப்பட்டது.

இதில் சுவாச குழாய் இணைப்பு இன்றி இயல்பாக இருக்கிறார் கருணாநிதி. அதேபோல் அவருக்கு முறையாக மருத்துவ வசதிகள் செய்து கொடுக்கப்பட்டுள்ளது. மருத்துவமனையில் சேர்க்கப்பட்டபின் முதல்முறையாக புகைப்படம் வெளியாகி உள்ளது குறிப்பிடத்தக்கது.

English summary

Photo of DMK leader Karunanidhi in Kauvery hospital released for the first time.