அன்புமணி ராமதாஸ் மருத்துவமனையில் திடீர் அனுமதி

By Mathi

Published: Thursday, August 20, 2015, 17:43 [IST]

Subscribe to Oneindia Tamil

சென்னை: பா.ம.க. இளைஞரணி தலைவரும் எம்.பி.யுமான அன்புமணி ராமதாஸ் இன்று திடீரென உடல்நலக் குறைவால் சென்னை மருத்துவமனையில் அனுமதிக்கப்பட்டார்.

பா.ம.க.வின் இளைஞரணி தலைவராக இருப்பவர் அன்புமணி ராமதாஸ். இவர் தர்மபுரி எம்.பி.யாகவும் உள்ளார். தமிழக சட்டசபை தேர்தலுக்கான பா.ம.க.வின் முதலமைச்சர் வேட்பாளராக அறிவிக்கப்பட்டுள்ளார்.

இதையடுத்து அன்புமணி ராமதாஸ் தமிழகம் முழுவதும் சுற்றுப்பயணம் மேற்கொண்டு ஆதரவு திரட்டி வருகிறார். இதனிடையே மத்திய பிரதேச மருத்துவ கல்லூரிக்கு முறைகேடாக அனுமதி அளித்தது தொடர்பாக சி.பி.ஐ. தொடர்ந்த வழக்கின் விசாரணைக்கும் அன்புமணி ஆஜராகி வருகிறார்.

இந்நிலையில் அன்புமணி ராமதாஸ் இன்று திடீரென சென்னை அப்போல்லோ மருத்துவமனையில் சிகிச்சைக்காக சேர்க்கப்பட்டுள்ளார். அங்கு மருத்துவர்கள் அவருக்கு தீவிர சிகிச்சை அளித்து வருகின்றனர்.

இருப்பினும் அவரது உடல்நிலை குறித்து மருத்துவமனை தரப்பில் இருந்து எந்த தகவலும் வெளியிடப்படவில்லை.

Published On August 20, 2015