தமிழகத்தின் அடுத்த முதல்வர் கர்நாடகத்திலிருந்தா?... சாருஹாசனை ஓங்கிக் கண்டித்த ஒன்இந்தியா வாசகர்கள்
தமிழகத்தின் அடுத்த முதல்வர் கர்நாடகாவை சேர்ந்தவர்தான் என்ற சாருஹாசனின் கருத்திற்கு ஒன்இந்தியா தமிழ் வாசகர்கள் கடும் எதிர்ப்பு தெரிவித்து இருக்கிறார்கள்.
Recommended Video
சென்னை: தமிழகத்தின் அடுத்த முதல்வர் கர்நாடகாவை சேர்ந்தவர்தான் என்ற சாருஹாசனின் கருத்திற்கு மக்களிடையே சலசலப்பை ஏற்படுத்தியுள்ளது. சாருஹாசனின் சர்ச்சைக்குரிய பேச்சு குறித்து ஒன்இந்தியா வாசகர்களிடம் கேட்டபோது பலரும் அவரது கருத்துக்கு எதிராக வாக்களித்துள்ளனர்.
கர்நாடகாவைச் சேர்ந்த ஒருவர்தான் தமிழகத்தின் அடுத்த முதல்வர் என நடிகர் சாருஹாசன் கூறி இருந்தார். அவர் ரஜினியை மறைமுகமாக குறிப்பிட்டது எல்லோராலும் யூகிக்க முடிந்தது.
படு பச்சையாக தமிழகத்தின் அடுத்த முதல்வர் கர்நாடகத்தைச் சேர்ந்தவர் என்று சாருஹாசன் கூறியது தமிழக மக்களின் உணர்வுகளைச் சீண்டிப் பார்ப்பதாக உள்ளது. இதுகுறித்து நமது வாசகர்களிடம் கேள்வி கேட்டிருந்தோம்.
கோபம்
பெருமளவிலான வாசகர்கள் ''இதை விட தமிழர்களை கேவலப்படுத்த முடியாது'' என்று கூறியுள்ளனர் மொத்தமாக 30.27% பேர் 'இதை விட தமிழர்களை கேவலப்படுத்த முடியாது என்ற பதிலை தேர்வு செய்துள்ளனர்.
நிதர்சனமான பேச்சு
அதேசமயம், கருத்துக் கணிப்பில் கலந்து கொண்டவர்களில் 17.57% பேர், நிதர்சனத்தைத்தான் பேசுகிறார் சாருஹாசன் என்ற பதிலைத் தேர்வு செய்து வாக்களித்துள்ளனர்.
அடிமைகளாக இருந்தால் இப்படி நடக்கும்
சிலர் இந்த கருத்து பற்றி வேறு விதத்தில் கோபமாக வாக்களித்துள்ளார்கள். தமிழர்கள் அடிமைகளாக இருந்தால் இதுதான் நடக்கும் என்று 22.62% மக்கள் வாக்களித்துள்ளார்கள்.
நடக்காது
தமிழர்கள் இந்த முறை சுதாரிப்பாக இருப்பார்கள் என்ற பதிலுக்கு வாக்களித்தோர் மொத்தம் 13.24% வாசகர்கள் ஆவர். முன்பு போல முட்டாளாக தமிழ்நாடு இருக்காது என்ற உணர்வை இவர்கள் வெளிப்படுத்தியுள்ளனர்.
பார்க்கலாம்
சிலர் இப்பொழுது எதையும் சொல்ல முடியாது தேர்தலின் போது பார்த்துக் கொள்ளலாம் என்றுள்ளனர். அதாவது 16.31% பொறுத்திருந்துதான் பார்ப்போமே என்ற பதிலுக்கு வாக்களித்துள்ளார்கள்.