பிரசார கூட்டத்தில் பாஜக மாவட்ட தலைவர் முதுகில் அடித்த பொன்.ராதாகிருஷ்ணன் - வீடியோ

மதுரை: மதுரை தெற்கு தொகுதி பிரசார கூட்டத்தின் போது பாஜக மாவட்ட தலைவர் சசிராமன் முதுகில் மத்திய இணை அமைச்சர் பொன். ராதாகிருஷ்ணன் அடித்தது சர்ச்சையாகி உள்ளது.

மதுரை தெற்கு தொகுதி பாஜக வேட்பாளர் மகாலெட்சுமியை ஆதரித்து பொன்.ராதாகிருஷ்ணன் அனுப்பானடி, தவிட்டுசந்தை பகுதியில் பிரச்சாரம் மேற்கொண்டார். அப்போது அவருடன் மாவட்ட தலைவர் சசிராமன் இருந்தார்.

அவருக்கு செல்போனில் அழைப்பு வர அதனை எடுத்து அவர் பேசினார். இதை பேசிக் கொண்டே கவனித்த பொன். ராதாகிருஷ்ணன் அவரது முதுகில் ஓங்கி அடித்தார்.

பின்னர் மைக்கில் பேசிய பொன்.ராதாகிருஷ்ணன், நான் அன்பால் அடித்தேன். இன்னொரு கட்சித் தலைவர் போல் அடித்து உதைக்க மாட்டேன். சசிராமன் எனது தம்பி. அன்பால் என்னை கட்டிப்போட்டவர் எனவும் விளக்கம் கொடுத்தார்.

English summary

Union Minister Pon. Radhakrishnan attack BJP Madurai district leader Sasiraman in Campaign.