இன்று கிருஷ்ணகிரி, தர்மபுரி பக்கம் நல்ல மழை பெய்யுமாம்....!

சென்னை: மதுரை உள்ளிட்ட பகுதிகளில் நேற்று மழை வெளுத்துக் கட்டிய நிலையில் இன்று கிருஷ்ணகிரி, தர்மபுரி உள்ளிட்ட பகுதிகளில் கன மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

தமிழகத்தில் பல்வேறு பகுதிகளிலும் தற்போது கோடை மழை பிக்கப் ஆகி பிய்த்து எடுத்து வருகிறது. நேற்று மதுரை, சிவகங்கை மாவட்டங்களில் நல்ல மழை பெய்தது. சென்னையில் வெம்மை குறைந்து ஓரளவு இயல்பான வெயில் அடித்து வருகிறது.

மன்னார் வளைகுடா பகுதியில் ஏற்பட்டுள்ள மேலடுக்கு சுழற்சி காரணமாக மழை நீடித்து வருகிறது. இந்த நிலையில் இன்று உள்மாவட்டங்களில் லேசான மழை பெய்யும். புதன்கிழமை தமிழ்நாட்டில் ஆங்காங்கே சில இடங்களில் மழை பெய்யும் என்று வானிலை மையம் தெரிவித்துள்ளது.

கிருஷ்ணகிரி, தர்மபுரி ஆகிய மாவட்டங்களில் சில இடங்களில் கனமழை பெய்யும் என்றும் வானிலை ஆய்வு மையம் தெரிவித்துள்ளது. நேற்று காலை 8-30 மணியுடன் முடிவடைந்த 24 மணிநேரத்தில் அதிக பட்சமாக ஊட்டி, வால்பாறை ஆகிய இடங்களில் தலா 3 செ.மீ. மழை பெய்துள்ளது

English summary

Tamil Nadu meteorological centre says that some inner districts of Tamil Nadu will cool with rain today.