கபாலிடா... நெருப்புடா.... ரசிக்க சென்னைக்கே பறந்து வந்த ஜப்பான் ஃபேன்ஸ்
சென்னை: கபாலி திரைப்படத்தின் முதல் காட்சியைப் பார்ப்பதற்காக ஜப்பானில் இருந்து வந்த ரசிகர்களால் சென்னை திரையரங்குகள் களைகட்டின.
ரஜினிகாந்த் நடித்த கபாலி திரைப்படத்தின் ஜூரம் தமிழகத்தை மட்டுமல்ல அமெரிக்கா, மலேசியா, கனடா என தமிழர் வாழும் தேசமெங்கும் தொற்றிக் கொண்டிருக்கிறது...
இவர்களாவது பரவாயில்லை... ஜப்பானில் உள்ள ரஜினி ரசிகர்கள் சென்னைக்கே படையெடுத்து வந்து தியேட்டர்களில் கபாலியை பார்க்க கூடியதுதான் ஆச்சரியத்தை ஏற்படுத்தியுள்ளது.
சென்னை காசி தியேட்டரில் கபாலி படத்தின் முதல் காட்சியைப் பார்க்க வந்த ஜப்பானைச் சேர்ந்த ரஜினி ரசிகர்கள் கூறுகையில், கபாலி படம் பார்ப்பதற்காக ஜப்பானில் இருந்து வந்துள்ளோம்.. ரொம்ப சந்தோசம்.. ரொம்ப மகிழ்ச்சி.. ஜப்பானில் ரஜினி ரசிகர் மன்றத்தில் 500க்கும் அதிகமானோர் இருக்கிறோம்..
நாங்கள் சிலர் கபாலி பார்க்க வந்திருக்கிறோம். ரஜினியின் ஸ்டைல், ஆக்ஷன் எங்களுக்கு ரொம்பவே பிடிக்கும்.. லிங்கா படம் பார்க்கவும் நாங்க வந்திருந்தோம்.. இப்பவும் வந்திருக்கிறோம் என்றனர்.
Click it and Unblock the Notifications
Sign in with Google