கண்ணா இந்த வீடியோவைப் பாரும்மா.. என்னா ஒரு துள்ளல், என்னா ஒரு உற்சாகம்.. ரஜினிடா!

By Veera Kumar

Updated: Monday, July 25, 2016, 11:52 [IST]

Subscribe to Oneindia Tamil

சென்னை: இங்க யாரோ எனக்கு உடம்பு சரியில்லை அமெரிக்காவில் சிகிச்சை பெறுவதாக கூறினார்களே, யார் அது என்று கேட்பதை போல இருந்தது நேற்று இரவு ரஜினிகாந்த் சென்னை விமான நிலையத்தில் வந்திறங்கியது.

ஆம்.. என்ன ஒரு உற்சாகம், என்ன ஒரு துள்ளல், சுறுசுறுப்பு ரஜினியிடம். இதை பார்த்தவர்கள் அவருக்கு உடல் நிலை சரியில்லை என்று சொன்னதெல்லாம் ஜஸ்ட் ஜோக் என்றுதான் நினைத்திருப்பார்கள்.

கபாலி படப்பிடிப்பை முடித்த நிலையில் ஷங்கரின் 2 ஓ படத்தின் ஷூட்டிங்கில் கலந்து கொண்டார் ரஜினி. இந்த நிலையில் அவருக்கு உடல் நலக்குறைவு என்று தகவல்கள் வந்தன.

அமெரிக்காவில் ஓய்வு

இதையடுத்து 2ஓ படப்பிடிப்பை ரத்து செய்து விட்டு அமெரிக்கா சென்றார் ரஜினிகாந்த். அங்கு ரஜினியுடன், அவரது மகள் ஐஸ்வர்யா தனுஷ் உடன் இருந்து தந்தையைக் கவனித்துக் கொண்டார்.

வைரல்

இந்த நிலையில் அமெரிக்காவில் ரஜினி வாக்கிங் போனது, ஆசிரமத்தில் வழிபட்டது தொடர்பான புகைப்படங்கள், வீடியோ வெளியாகி வைரல் ஆகின.

யாரு சொன்னா

ரஜினிக்கு உடல் நலம் சரியில்லை என்பதாகவும், அவர் அமெரிக்காவில் ஓய்வெடுத்து வருவதாகவும் தகவல் வெளியான நிலையில், அவரை சென்னை விமான நிலையத்தில் பார்த்தவர்கள் தலைவர் டக்கருடோய் என்கிறார்கள்.

தலைவா கோஷம்

பலத்த போலீஸ் பாதுகாப்புடன் விமான நிலையத்திற்கு வெளியே வந்த ரஜினிகாந்த், தனது காரில் ஏறினார். ரசிகர்கள் தலைவா என்று கோஷமிட்டபடி இருந்தனர். எனவே காருக்குள் சென்று அமர மனமில்லாமல் காரில் நின்றபடியே ரசிகர்களை நோக்கி கையை காண்பித்தார்.

செம சுறுசுறுப்பு

ரஜினி திடீரென காரில் ஏறி நின்றதாகட்டும், கைகளை அசைத்ததாகட்டும், செம சுறுசுறுப்பு. நடையிலும் வழக்கமான வேகம். இந்த வீடியோவை பார்க்கும் ரசிகர்களுக்கு, ரஜினியின் ஸ்டைலும், இளமையும் மாறாது என்ற படையப்பா டயலாக்தான் நினைவுக்கு வரும்.