ரஜினி அரசியல் வருகையை அறிவிக்கும் திருச்சி மாநாடு?

சினிமாவில் மட்டுமல்ல... அரசியலிலும் இப்போது ரஜினி - கமல் வீச்சு உச்சத்தைத் தொட்டுவிட்டது. ரஜினியின் அரசியல் வேறு.. கமல் அரசியல் வேறு என்றாலும், இருவருமே களத்தில் உள்ள அரசியல்வாதிகளுக்கு கலக்கத்தைக் கொடுத்துக் கொண்டிருக்கிறார்கள்.

ரஜினியைச் சமாளிக்க கமலைக் களமிறக்குகிறார்கள் என்றெல்லாம் சொல்லப்பட்டாலும், இப்போதைக்கு அரசியல் களத்தில் ரஜினியும் கமலும் போட்டியாளர்களாக இல்லை.

இன்னொரு பக்கம் ரஜினியின் அரசியல் பிரவேசத்துக்கான அடித்தளப் பணிகள் கன ஜோராக நடந்து வருகின்றன. ரஜினியின் கட்சிக்கு பெயர் கூட தயாராகிவிட்டதாக தகவல் வெளியாகியுள்ளது.

ரஜினியின் அரசியல் வருகையை முன்னறிவிக்கும் ஒரு ஏற்பாடாக, திருச்சியில் ஒரு மாநாடு நடக்கவிருக்கிறது. இந்த மாநாடு ரஜினியின் ஏற்பாடல்ல. ரஜினிக்கு மிக நெருக்கமான அரசியல் தலைவராகத் திகழும் தமிழருவி மணியனின் காந்திய மக்கள் இயக்கம் செய்துள்ள ஏற்பாடு இது.

இந்த மாநாட்டில் ரஜினியின் அரசியல் பிரவேசம் எப்போது, அவரது அரசியல் எப்படி இருக்கும், அவர் வந்தால் என்னென்ன நல்ல விஷயங்கள் இந்த மாநில மக்களுக்கு நடக்கும் என்பதையெல்லாம் தமிழருவி மணியனே பேசவிருக்கிறார்.

இந்த திருச்சி மாநாடு தமிழக அரசியல் களத்தையே திசை திருப்பும் அளவுக்கு பரபரப்பாக அமையும் என்கிறார்கள்.

English summary

Sources say that Tamilaruvi Maniyan's Trichy conference may announce Rajinikanth's political entry