பாலச்சந்தரைப் பார்க்க மருத்துவமனைக்கு விரைந்தார் ரஜினி
உடல் நிலை சரியில்லாமல் மருத்துவமனையில் அனுமதிக்கப்பட்டுள்ள இயக்குநர் பாலச்சந்தரைப் பார்க்க ரஜினிகாந்த் விரைந்தார்.
இயக்குநர் கே பாலச்சந்தர் முதுமை காரணமாக உடல் நலக் குறைவால் அவதிப்பட்டு வந்தார். சமீபத்தில் அவர் மகன் இறந்தது, அவரை பெரிதும் பாதித்துவிட்டது.
இந்த நிலையில் இன்று பாலச்சந்தரின் உடல்நிலை மிகவும் பாதிக்கப்பட்டு ஆபத்தான கட்டத்தை அடைந்தது. எனவே அவரை காவேரி மருத்துவமனையல் சிகிச்சைக்காக அவசர சிகிச்சைப் பிரிவில் சேர்த்துள்ளனர்.
தகவல் தெரிந்ததும் உடனடியாக காவேரி மருத்துவமனைக்கு விரைந்தார் ரஜினிகாந்த்.
ரஜினியை ஒரு நடிகராக அபூர்வ ராகங்கள் படத்தில் அறிமுகம் செய்தவர் பாலச்சந்தர்தான். தொடர்ந்து ரஜினியின் நடிப்புத் திறனை வெளிக்கொணரும்படியான வித்தியாசமான படங்களை ரஜினிக்குக் கொடுத்தவர் பாலச்சந்தர். எனவே அவரை தன் தந்தைக்கு சமமான இடத்தில் வைத்து மரியாதை செய்து வருகிறார் ரஜினி.