ரஜினிகாந்த் ஒருபோதும் அரசியலுக்கு வரமாட்டார்.. அடித்து சொல்லும் எம்எல்ஏ வசந்தகுமார்!
நடிகர் ரஜினிகாந்த் ஒருபோதும் அரசியலுக்கு வரமாட்டார் என காங்கிரஸ் எம்எல்ஏ வசந்தகுமார் அடித்து பேசியுள்ளார்.
ராமநாதபுரம்: நடிகர் ரஜினிகாந்த் ஒருபோதும் அரசியலுக்கு வரமாட்டார் என காங்கிரஸ் எம்எல்ஏ வசந்தகுமார் அடித்து பேசியுள்ளார். மேலும் பாஜக ஆட்சியில் கூறியது போல் வேலை வாய்ப்பு வழங்கப்படவில்லை என்றும் அவர் குற்றம்சாட்டினார்.
ராமநாதபுரம் மாவட்டம் பரமக்குடியில் காங்கிரஸ் கட்சியின் செயல்வீரர்கள் கூட்டம் நடைபெற்றது. இதில் கலந்துகொண்ட எம்எல்ஏ வசந்தகுமார் செய்தியாளர்களிடம் பேசினார்.
அப்போது பா.ஜ.க. ஆட்சிக்கு வந்தால் ஒரு ஆண்டிற்கு 2 கோடி பேருக்கு வேலை தருவதாக கூறினார்கள். ஆனால் ஆட்சிக்கு வந்து 3 ஆண்டுகளில் 1 லட்சத்து 48 ஆயிரம் பேருக்குத்தான் வேலை வாய்ப்பு அளித்துள்ளனர் என குற்றம்சாட்டினார்.
காங்கிரஸ் கட்சியில் இளைஞர்கள் சேர்ந்தால் 100-ல் 2 பேருக்கு கண்டிப்பாக தனியார் நிறுவனங்களில் வேலை வழங்கப்படும் என அவர் தெரிவித்தார். அரசு வேலைக்கும் பரிந்துரை செய்யப்படும் என்றும் வசந்தகுமார் எம்எல்ஏ கூறினார்.
ஜி.எஸ்.டி. வரியை நீக்கினால்தான் குடியரசுத் தலைவர் தேர்தலில் வாக்களிப்போம் என முதல்வர் எடப்பாடி பழனிச்சாமி மத்திய அரசிடம் கூறவேண்டும். இந்த வரியால் அனைவரும் பாதிக்கப்பட்டுள்ளார்கள் என்றும் அவர் கூறினார்.
நடிகர்கள் போராடுவதை போல் அரசும் இதற்கு எதிர்ப்பு தெரிவிக்க வேண்டும். நடிகர் ரஜினிகாந்த் ஒருபோதும் அரசியலுக்கு வரமாட்டார் என்றும் காங்கிரஸ் எம்எல்ஏ வசந்த குமார் கூறினார்