130 தொகுதிகளில் அதிமுக டெபாசிட் இழக்க வேண்டும்- இது டாக்டர் ராமதாஸின் ஆசை!

திண்டிவனம்: எதிர்வரும் தமிழக சட்டசபை தேர்தலில் அதிமுகவை 130 தொகுதிகளில் டெபாசிட் இழக்கச் செய்ய வேண்டும் என்பதுதான் தமது ஆசை என்று பாட்டாளி மக்கள் கட்சியின் நிறுவனர் டாக்டர் ராமதாஸ் கூறியுள்ளார்.

அண்மையில் திண்டிவனத்தில் நடைபெற்ற பா.ம.க. செயற்குழுக் கூட்டத்தில் ராமதாஸ் பேசியதாவது:

அல்லி ராணி ஜெயலலிதாவுக்கு இனி ஒரு நிமிடம்கூட தமிழகத்தை ஆளத் தகுதி இல்லை. பிறகு எப்படி அவர்கள் ஜெயித்தார் என்று நீங்கள் கேட்கலாம்.

அது 200 ரூபாயால் கிடைத்த வெற்றி அல்ல. வாக்கு எந்திரத்தில் தில்லுமுல்லு செய்ததில் கிடைத்த வெற்றி.

அதை நாங்கள் நிரூபிக்கத் தயாராக இருக்கிறோம். எனக்கு ஓர் ஆசை இருக்கிறது. வரும் சட்டசபை தேர்தலில் 234 தொகுதிகளில் பாதி தொகுதிகளில் அ.தி.மு.க டெபாசிட் இழக்க வேண்டும். எனது ஆசையை நீங்கள்தான் நிறைவேற்ற வேண்டும்

இவ்வாறு ராமதாஸ் கூறினார்.

English summary

PMK founder Dr Ramadoss has said, AIADMK should lost deposit over 100 seats in upcoming State Assembly Elections.