ராமநாதபுரம் மாவட்ட தொகுதிகளில் போட்டியிடும் அதிமுக வேட்பாளர்கள் விவரம்!

ராமநாதபுரம்:

எம்.மணிகண்டன். எம்.பி.பி.எஸ்., எம்.எஸ். படித்து, அறுவைச் சிகிச்சை நிபுணராக உள்ள இவர், மதுரை அண்ணா நகரில் மருத்துவமனை நடத்தி வருகிறார். தந்தை பெயர், செ.முருகேசன். அதிமுகவில் ராமநாதபுரம் மாவட்ட அவைத்தலைவராக இருந்து வருகிறார். மாநில மருத்துவ அணியின் துணைச் செயலாளராகவும் பதவி வகித்து வருகிறார். ராமநாதபுரம்தான் இவரது சொந்த ஊர்.

திருவாடானை:

இந்த தொகுதியில் அதிமுக கூட்டணி சார்பில், நடிகர் கருணாஸ் போட்டியிடுகிறார். 1969ம் ஆண்டு பிப்ரவரி 21ம் தேதி பிறந்த கருணாசின், தந்தை பெயர், சேது. பி.ஏ படிப்பை பாதியிலேயே கைவிட்டவர். முக்குலத்தோர் புலி படை நிறுவனரான இவர், அதிமுக கூட்டணி சார்பில் கமிளறக்கப்பட்டுள்ளார். இவரது மனைவி பெயர் கிரேஸ், ஒரு ஆண், ஒரு பெண் குழந்தை ஆகியோர் உள்ளனர். சென்னையில் வசிக்கிறார்.

பரமக்குடி:

இந்த தொகுதியில், சித்திரன் மற்றும் பொன்னம்மாள் என்பவர்களது மகனான, டாக்டர் எஸ்.முத்தையா போட்டியிடுகிறார். 27.07.1961 தேதியில் பிறந்தார். பரமக்குடி.தான் சொந்த ஊர். சாந்தி என்ற மனைவியும், 3 மகள்களும் உள்ளனர்.

முதுகுளத்தூர்

முதுகுளத்தூர் தொகுதியில், எம்.கீர்த்திகா முனியசாமி போட்டியிடுகிறார். 1976ம் ஆண்டு மே 28ம் தேதி பிறந்த கீர்த்திகா, எம்.ஏ (அரசியல் அறிவியல்) படித்துள்ளார். இப்போதும், இதற்கு முன்பு ஒருமுறையும் ஆக மொத்தம், இருமுறை பரமக்குடி நகர் மன்ற தலைவர் பதவி வகித்தவர்., தேனி மாவட்டம் உத்தமபாளையம் சொந்த ஊர். தினகரத் தேவர் மற்றும் திலகம் ஆகியோரின் மகள் இவர். கணவர் பெயர், முனியசாமி, கீழத்தூவலைச் சேர்ந்தவர்.

கணவரின் கட்சி பொறுப்பு எம்.ஜி.ஆர் இளைஞரணி செயலாளர். 14 வயதில் அச்சரம் என்ற மகளும்,7 வயதில் அச்சை என்ற மகனும் உள்ளனர்.

English summary

Ramanadhapuram district AIADMK candidates bio-data