"போடுங்கம்மா ஓட்டு குக்கர் சின்னத்தை பாத்து"... "தீவிர" பிரசாரத்தில் வாண்டுகள்

ஆர்கே நகரில் டிடிவி தினகரனின் குக்கர் சின்னத்தில் வாக்களிக்குமாறு அங்குள்ள குழந்தைகள் பிரசாரம் செய்து வருகின்றனர்.

By Lakshmi Priya

Updated: Sunday, December 17, 2017, 10:07 [IST]

Subscribe to Oneindia Tamil

சென்னை: ஆர்.கே.நகரில் போட்டியிடும் டிடிவி தினகரனின் குக்கர் சின்னத்தில் வாக்களிக்குமாறு அங்குள்ள குழந்தைகள் பிரசாரம் செய்து வரும் வீடியோ வைரலாகியுள்ளது.

ஆர்கே நகருக்கு வரும் 21-ஆம் தேதி இடைத்தேர்தல் நடைபெறுகிறது. இந்த தேர்தலில் அதிமுக, திமுக, நாம் தமிழர், பாஜக, தினகரன் அணி ஆகிய கட்சிகள் போட்டியிடுகின்றன.

தேர்தல் தினத்துக்கு இன்னும் சில நாள்களே உள்ளதால் வேட்பாளர்களின் பிரசாரம் தூள் கிளப்புகிறது. அதிமுக, திமுக ஆகிய கட்சிகள் தங்களுக்கு வாக்கு சேகரிக்க பாடல்களை தயார் செய்துள்ளனர். அதுபோல் குக்கர் சின்னத்தில் போட்டியிடும் வேட்பாளர் டிடிவி தினகரனுக்கும் பாடல் தயாராகியுள்ளது.

தினகரனின் பிரசாரம் களைகட்டி வரும் நிலையில் ஆர்கே நகரில் ஒரு ஆட்டோவில் ஏறி போடுங்கம்மா ஓட்டு, குக்கர் சின்னத்த பார்த்து என்று பொடிசுகள் தினகரனுக்காக பிரசாரம் செய்யும் காட்சிகள் அடங்கிய வீடியோ வைரலாகியுள்ளது.