தமிழக அமைச்சர்களுக்கு விரைவில் ரூ 26 லட்சம் மதிப்புள்ள புது சொகுசு கார்கள்!

தமிழக முதல்வர் மற்றும் அமைச்சர்களுக்கு சுமார் ரூ26 லட்சம் மதிப்புள்ள புதிய சொகுசு கார்கள் வழங்கப்படவுள்ளன.

சென்னை : தமிழக முதல்வர் அமைச்சர்களுக்கு சுமார் ரூ26 லட்சம் மதிப்புள்ள புதிய சொகுசு கார்கள் வழங்கப்படவுள்ளன. இந்த புதிய சொகுசு கார்களில் கொடி கம்பம், சுழல் விளக்குகள் பொருத்தும் பணிகள் நடைபெற்று வருகின்றன.

2016 ம் ஆண்டு சட்டசபை தேர்தலில் அதிமுக வெற்றி பெற்றது. அப்போது புதியதாக முதன்முதலாக அமைச்சாராக பதவியேற்ற அமைச்சர்களுக்கு மட்டும் 15 புதிய சொகுசு கார்கள் வழங்கப்பட்டன. மற்ற அமைச்சர்கள் அனைவரும் பழைய கார்களையே பயன்படுத்தி வந்தனர்.

ஓ.பன்னீர்செல்வம் முதல்வராக இருந்த போது சிமெண்ட் கலர் இன்னோவா கிறிஸ்டா காரைதான் பயன்படுத்தினார். இந்நிலையில் விரைவில் நடைபெறவுள்ள விழாவில் முதல்வர் எடப்பாடி பழனிச்சாமி அனைத்து அமைச்சர்களுக்குமே புதிய சொகுசு கார்களை வழங்குவார் என்று கூறப்படுகிறது.

ஜெயலலிதா மறைவுக்கு பின் அதிமுகவில் அதிகாரச் சண்டை வலுப்பெற்று மூன்று அணிகளாக பிளவுப்பட்டிருக்கும் நிலையில் அமைச்சர்களுக்கு சொகுசு கார்கள் வழங்குவது சர்ச்சையை ஏற்படுத்தியுள்ளது.

English summary

New innova high end cars for TN Ministers . Rs.26 lakh worth luxurious cars to be given soon for all Ministers including CM