'சலாம் டூ கலாம்'... அப்துல் கலாமின் புகழ் பாடும் வீடியோ இசை ஆல்பம்

மறைந்த குடியரசுத் தலைவர் டாக்டர் அப்துல் கலாமின் பிறந்த நாள் அக்டோபர் 15. அதையட்டி சென்னை குன்றத்தூரில் உள்ள ‘லிட்டில் ஃப்ளவர் மெட்ரிக் ஹையர் செகண்டரி பள்ளிக்கூட'மும், ‘சாதகப் பறவைகள்' இசைக் குழுவும் இணைந்து ‘சலாம் டூ கலாம் & கலாமிற்கு ஒரு காணிக்கை' (Salam 2 Kalam - A Tribute to Kalam) என்ற பெயரில் ஒரு இசை வீடியோ ஆல்பத்தை வெளியிட்டிருக்கின்றனர். இந்த வீடியோ ஆல்பத்திற்கு ‘சாதகப் பறவைகள்' இசைக்குழு இசையமைத்திருக்கிறது. அந்த பள்ளிக்கூட மாணவ - மாணவிகள் நடனமாடியிருக்கின்றனர்.

அப்துல் கலாம் பிறந்த நாளை ‘மாணவர்கள் தினம்' என்று இந்திய அரசாங்கத்தின் சார்பில் அறிவிக்கப்பட்டு, கொண்டாடப்பட வேண்டுமென்று இவர்கள் மத்திய அரசாங்கத்தை கேட்டுக் கொண்டிருக்கின்றனர். அதற்காக 31,00,000 பேரிடம் கையெழுத்து வாங்கி இருக்கின்றனர். இந்த வேலை கடந்த 5 வருடங்களாக நடைபெற்று இருக்கிறது.

‘சாதகப் பறவைகள்' சங்கர் இசையமைத்திருக்கும் இந்த இசை வீடியோ ஆல்பத்தில் இடம் பெற்றிருக்கும் பாடலை கவிஞர் பரிணாமன் எழுத, அஜய், கவிதா, யோகிதா ஆகியோர் பாடியிருக்கின்றனர். ஒளிப்பதிவு:முருகசரவணன். இயக்கம்:ராம். ‘லிட்டில் ஃப்ளவர் மெட்ரிக் ஹையர் செகண்டரி ஸ்கூல்' பிரின்ஸிபால் ஜான் சேவியர் தங்கராஜ். இந்த இசை வீடியோ ஆல்பத்தை தயாரித்திருக்கிறார்.

English summary

Sadhaga Pravaigal, the famous music troop has paid tribute to late President Abdul Kalam through a video music album along with Little Flower Hr Mat School students.