சேலம்-சென்னை 8 வழி சாலைக்கு எதிர்ப்பு: சமூக ஆர்வலர் பியூஷ் மனுஷ் கைது

சேலத்தில் பியூஷ் மனுஷ் கைது செய்யப்பட்டுள்ளார்.

சென்னை: சேலம்-சென்னை 8 வழி பசுமை சாலைக்கு எதிராக மக்களை போராட தூண்டியதாக சமூக ஆர்வலர் பியூஷ் மனுஷ் கைது செய்யப்பட்டுள்ளார்.

சேலம்- சென்னை இடையே பசுமை சாலை அமைக்க பல்லாயிரக்கணக்கான விளைநிலங்களை அரசு கையகப்படுத்துகிறது. இதற்கு பொதுமக்கள் கடும் எதிர்ப்பு தெரிவித்து வருகின்றனர்.

8 வழி பசுமை சாலைக்கு எதிர்ப்பு தெரிவிப்பவர்கள் அடுத்தடுத்து கைது செய்யப்படுகின்றனர். நடிகர் மன்சூர் அலிகான் சென்னையில் நேற்று முன்தினம் கைது செய்யப்பட்டார்.

இந்த நிலையில் சேலத்தில் சமூக ஆர்வலர் பியூஷ் மனுஷ் கைது செய்யப்பட்டுள்ளார். மக்களை அரசுக்கு எதிராக போராட தூண்டுதல் உள்ளிட்ட 4 பிரிவுகளின் கீழ் பியூஷ் மனுஷ் மீது வழக்கு போடப்பட்டுள்ளது.

English summary

Social Activist Piyush Manush was arrested by Salem Police.