நீங்க தமிழ்நாட்டில் வசிப்பவரா.. அப்ப கண்டிப்பா இதையெல்லாம் பார்த்துதான் ஆகனும்!

சென்னை: தமிழ்நாட்டின் அடையாளங்களாக ஜல்லிக்கட்டு உள்ளிட்ட இன்ன பிற விஷயங்களைச் சொல்வதெல்லாம் பழைய கதையாகி விடும் போல இன்னும் சில காலத்தில். இப்போது டிரெண்டே மாறிப் போய்க் கொண்டிருக்கிறது.

போஸ் கொடுத்தா போஸ்டர் போடு.. என்ற நிலைக்கு மாறி விட்டது நமது நிலைமை.

அந்த வகையில் கண்ணில் பட்டது இந்த போஸ்டர். வாட்ஸ் ஆப்பில் வந்த படம் இது.

அதில் இன்று தனது 59வது பிறந்த நாளைக் கொண்டாடும் முதல்வர் ஜெயலலிதாவின் தோழி சசிகலாவுக்குப் பிறந்த நாள் வாழ்த்துக் கூறியுள்ளார், சிவகங்கை மாவட்டம் தமறாக்கி கிராமத்தைச் சேர்ந்த ஏ.எல். சின்னத்தம்பி என்பவர்.

அதில் மன்னார்குடியின் மகாராசியே.. எங்களின் சின்னம்மாவே வாழ்க பல்லாண்டு என்று போட்டு வணங்கியுள்ளார்.

இதில் மருந்துக்குக் கூட ஜெயலலிதாவின் படம் இல்லை.. ஏன் ஸ்டிக்கர் கூட ஒட்டவில்லை..!

இந்த அதிமுககாரருக்கு "அம்மா"விடமிருந்து நிச்சயம் ஆப்பு வரும் என்பதில் சந்தேகம் இல்லை. காரணம் இப்படி ஒரு சம்பவம் ஏற்கனவே நடந்த முன்னுதாரணம் உள்ளது. இந்த செய்தியைப் படித்துப் பாருங்கள்.. விவரம் தெரியும்...

English summary

This ADMK man from Sivagangai district has wished Sasikala on her birth day.