திமுக அனைத்து கட்சி கூட்டத்தை கூட்ட பாஜகவைத் தொடர்ந்து சீமானும் எதிர்ப்பு
பாஜகவைத் தொடர்ந்து சீமானும் திமுகவின் அனைத்துக் கட்சிக் கூட்டத்துக்கு கடும் எதிர்ப்பு தெரிவித்துள்ளார்.
சென்னை: விவசாயிகளுக்காக திமுக அனைத்துக் கட்சிக் கூட்டத்தை பாஜகவைத் தொடர்ந்து நாம் தமிழர் கட்சி தலைமை ஒருங்கிணைப்பாளர் சீமானும் கடும் எதிர்ப்பை தெரிவித்துள்ளார்.
விவசாயிகள் பிரச்சனைகளுக்காக திமுக சென்னையில் இன்று அனைத்துக் கட்சிக் கூட்டத்தைக் கூட்டியது. இக்கூட்டத்தில் காங்கிரஸ், இடதுசாரிகள், விடுதலைச் சிறுத்தைகள் உள்ளிட்ட கட்சிகள் பங்கேற்றன.
அதேநேரத்தில் பாஜக மற்றும் அதிமுக அணிகளுக்கு திமுக அழைப்பு அனுப்பவில்லை. இது தொடர்பாக கருத்து தெரிவித்த தமிழக பாஜக தலைவர் தமிழிசை சவுந்தரராஜன், அனைத்து கட்சிக் கூட்டத்தைக் கூட்ட திமுகவுக்கு தகுதி இல்லை எனக் கூறியிருந்தார்.
இதனிடையே நாம் தமிழர் கட்சியின் தலைமை ஒருங்கிணைப்பாளர் சீமானும், அனைத்துக் கட்சிக் கூட்டத்தைக் கூட்ட திமுகவும் தகுதி இல்லை என தமிழிசையைப் போலவே கருத்து தெரிவித்துள்ளார். அத்துடன் விவசாயிகளின் துயரத்துக்கு காரணமே திமுகதான் காரணம் எனவும் குற்றம்சாட்டியுள்ளார் சீமான்.
அண்மையில் இந்து மக்கள் கட்சியின் தலைவர் அர்ஜூன் சம்பத், தமிழகத்தில் தலை சிறந்த இந்துத்துவா தலைவராக சீமான் வளர்ந்து வருகிறார் என பாராட்டு தெரிவித்திருந்தார். தற்போது பாஜகவின் அரசியல் நிலையை பின்பற்றி சீமானும் கருத்துகளைத் தெரிவித்துள்ளது குறிப்பிடத்தக்கது.
Click it and Unblock the Notifications
Sign in with Google