சோனியா அனுப்பிய வாழ்த்துக் கடிதம்.. உதவியாளர் வாசிக்க கேட்டறிந்த கருணாநிதி
திமுக தலைவர் கருணாநிதியின் 94 வது பிறந்தநாளையொட்டி காங்கிரஸ் தலைவர் சோனியா காந்தி வாழ்த்துக் கடிதம் அனுப்பியுள்ளார்.
சென்னை: பிறந்தநாள் மற்றும் சட்டமன்ற வைரவிழா காணும் முன்னாள் முதல்வர் கருணாநிதிக்கு காங்கிரஸ் தலைவர் சோனியா காந்தி அனுப்பிய வாழ்த்துக் கடிதத்தை, உதவியாளர் வாசித்து காட்டினார்.
திமுக தலைவர் கருணாநிதியின் சட்டசபை வைரவிழா மற்றும் அவரது 94வது பிறந்த நாள் விழா இன்று கொண்டாடப்படுகிறது. சென்னை ராயப்பேட்டை ஒய்.எம்.சி.ஏ. மைதானத்தில் மாலை 5 மணிக்கு சிறப்பாக கொண்டாட திமுக ஏற்பாடு செய்துள்ளது.
காங்கிரஸ் துணைத் தலைவர் ராகுல் காந்தி, பீகார் முதல்வர் நிதிஷ்குமார், கேரள முதல்வர் பினராயி விஜயன், புதுச்சேரி முதல்வர் நாராயணசாமி உள்ளிட்ட பல்வேறு முக்கிய பிரமுகர்கள் பங்கேற்கிறார்கள். உடல் நலக்குறைவு காரணமாக பீகார் முன்னாள் முதல்வர் லாலு பிரசாத் யாதவ் கலந்துகொள்ள இயலாது எனத் தெரிவிக்கப்பட்டுள்ளது.
கருணாநிதியின் பிறந்தநாளையொட்டி அவருக்கு வாழ்த்துக்கள் குவிந்த வண்ணம் உள்ளது. அந்த வகையில் வைர விழா காணும் திமுக தலைவர் கருணாநிதிக்கு காங்கிரஸ் தலைவர் சோனியா காந்தி கடிதம் மூலம் வாழ்த்து அனுப்பியுள்ளார். அவரது வாழ்த்து கடிதத்தை தி.மு.க. தலைவர் கருணாநிதியிடம் அவரது உதவியாளர் சண்முகநாதன் வாசித்து காட்டினார். அதனை ஆர்வத்துடன கருணாநிதி கேட்டார். அந்த வீடியோ காட்சிகள் வெளியிடப்பட்டுள்ளன.
Click it and Unblock the Notifications
Sign in with Google