விரைவில் கருணாநிதியையே திமுகவில் இருந்து விரட்டுவார்கள்: ரித்தீஷ்

சென்னை: விரைவில் கருணாநிதியையே திமுகவில் இருந்து வெளியேற்றுவார்கள் என திமுகவில் இருந்து அதிமுகவுக்கு தாவிய ஜே.கே. ரித்தீஷ் எம்.பி. தெரிவித்துள்ளார்.

திமுகவில் இருந்து நீக்கப்பட்ட அழகிரியின் ஆதரவாளரான ஜே.கே. ரித்தீஷ் திமுகவில் இருந்து இன்று அதிமுகவில் சேர்ந்தார். சென்னையில் முதல்வர் ஜெயலலிதாவை சந்தித்து ரித்தீஷ் தன்னை அதிமுகவில் சேர்த்துக் கொண்டார்.

அதன் பிறகு அவர் செய்தியாளர்களிடம் கூறுகையில்,

திமுகவில் உட்கட்சி ஜனநாயகம் செத்துப் போய்விட்டது. கட்சியில் ஸ்டாலினின் அதிகாரம் ஓங்கியுள்ளது. கருணாநிதியின் ஆட்கள் எல்லாம் வெளியே அனுப்பி வைக்கப்படுகிறார்கள். விரைவில் கருணாநிதியையும் கட்சியில் இருந்து வெளியேற்றுவார்கள். என்னை அடுத்து மேலும் பலர் திமுகவில் இருந்து விலகி அதிமுகவில் இணைவார்கள்.

நாடாளுமன்ற தேர்தலையொட்டி தமிழகம், புதுவை என 40 தொகுதிகளிலும் அதிமுக வேட்பாளர்களை ஆதரித்து பிரச்சாரம் செய்வேன் என்றார்.

English summary

JK Ritheesh who ditched DMK for ADMK told that soon DMK supremo Karunanidhi will be kicked out of the party.