"நான் நரேந்திர மோடியின் மகள்.." ஸ்ட்ராபெரி திரைப்பட ஹீரோயின் அவனி மோடி அதிரடி பேட்டி
சென்னை: நான் நரேந்திரமோடியின் மகள் என்று, ஸ்ட்ராபெரி திரைப்பட ஹீரோயின் அவனி மோடி தெரிவித்து பரபரப்பை ஏற்படுத்தியுள்ளார்.
பா.விஜய் இயக்கத்தில், அவரே ஹீரோவாக நடித்து வெளியாகியுள்ள தமிழ் திரைப்படம் ஸ்ட்ராபெரி. இதன் ஹீரோயின் அவ்னி மோடி, அப்படத்தில் கவர்ச்சியில் பட்டையை கிளப்பியுள்ளாராம்.
அடுத்ததாக காலண்டர் கேர்ள்ஸ் என்ற பெயரில் வெளியாகும் படத்தில் நடித்துக்கொண்டுள்ளார். குஜராத்தை சேர்ந்த மாடலான இவரது பெயரையும், பூர்வீகத்தையும் வைத்து நீங்கள் பிரதமர் மோடியின் சொந்தக்காரரா என்று பல பத்திரிகையாளர் சந்திப்பில் கேள்வி எழுப்பப்பட்டுள்ளது.
இதனால் வெறுத்துப்போன அவனி மோடி, ஹிந்தி பத்திரிகையொன்றுக்கு இதுபற்றி கூறியுள்ளதாவது: பிரதமர் நரேந்திர மோடியின் உறவினரா நீங்கள்... என்ற கேள்வி எங்கு சென்றாலும் என்னை சுற்றி வருகிறது. நான் அவரின் உறவுக்காரர் கிடையாது. மோடியின் மகள் நான்.
நான் மட்டுமல்ல, இந்த நாட்டிலுள்ள கோடிக்கணக்கான இளம் பெண்கள், மோடியை தங்களின் தந்தை ஸ்தானத்தில்தான் வைத்துள்ளனர். அந்த வகையில் மோடி எனக்கும் தந்தை போன்றவர். மற்றபடி ரத்த உறவு எதுவும் கிடையாது. இவ்வாறு அவனி மோடி தெரிவித்தார்.