Tamil Nadu Assembly Session LIVE: அரசின் குறிப்புகளை அப்படியே மாற்றமின்றி வாசித்து முடித்தார் ஆளுநர்

Updated: Thursday, June 18, 2026, 10:44 [IST]

Subscribe to Oneindia Tamil

சென்னை: விஜய் முதலமைச்சராக பொறுப்பேற்ற பின்னர் முதல் முழு சட்டமன்ற கூட்டம் தமிழ்த்தாய் வாழ்த்து பாடலுடன் தொடங்கியது. தமிழகத்தில் பெண்கள், குழந்தைகளுக்கு எதிரான பாலியல் குற்றங்கள், சட்டம் ஒழுங்கு பிரச்சனைகள் அதிகரித்திருக்கும் நிலையில், இந்த கூட்டம் மிகுந்த கவனம் பெற்றிருக்கிறது.

கூட்டத்தொடர் தொடங்கிய நிலையில், முதலமைச்சர் விஜய் பல முக்கிய அறிவிப்புகளை வெளியிட இருக்கிறார். மகளிர் உரிமைத் தொகை உயர்வு போன்ற விஷயங்களை விஜய் அறிவிப்பாரா? என்கிற எதிர்பார்ப்பு அதிகரித்திருக்கிறது.

Jun 18, 2026, 11:09 am IST

தனி கவனம்

கள்ளச்சந்தையில் மது விற்பனையை முழுமையாக தடுக்க நடவடிக்கை எடுக்கப்பட்டுள்ளது. தவெக ஆட்சிக்கு வந்ததும் 717 டாஸ்மாக் கடைகள் மூடப்பட்டுள்ளன. போதைப்பொருட்களை ஒழிப்பதில் அரசு தனி கவனம் செலுத்தி வருகிறது. அமைதியான, பாதுகாப்பான தமிழகம் என்ற அடிப்படையில் அரசு செயல்படுகிறது.

Jun 18, 2026, 11:03 am IST

வெள்ளை அறிக்கை

சில ஆண்டுகளாக தமிழ்நாட்டின் நிதி நிலைமை சரியில்லை, அதனை வெளிக்கொண்டு வரும் வகையில் வெள்ளை அறிக்கை வெளியிடப்பட்டிகிறது. கடந்த ஆட்சியின் முறையற்ற செயல்முறையை வெளிக்கொண்டு வரும் வகையில் அரசு வெள்ளை அறிக்கை வெளியிட்டுள்ளது. தமிழ்நாட்டின் நிதிநிலை கடந்த 5 ஆண்டுகளில் மிகவும் மோசமான நிலைக்கு சென்றுள்ளது - ஆளுநர் அர்லேக்கர்

Jun 18, 2026, 10:43 am IST

ஆளுநர் உரை நிறைவு

தமிழக சட்டமன்ற கூட்டத்தொடரில் ஆளுநர் தனது உரையை நிறைவு செய்திருக்கிறார். அண்ணாவின் உரையை மேற்கோள்காட்டி ஆளுநர் பேசியிருந்தார். ஆளுநர் உரையின் தமிழ் மொழிபெயர்ப்பை சபாநாயகர் ஜே.சி.டி.பிரபாகரன் வாசித்து வருகிறார்

Jun 18, 2026, 10:39 am IST

தொழில் தொடங்க நடவடிக்கை

கல்வித்துறையில் காலியாக உள்ள பணியிடங்களை நிரப்ப உடனடி நடவடிக்கை. நிறுவனங்கள் தொழில் தொடங்க விரைவாக ஒப்புதல் வழங்க ஆணையம் அமைக்கப்படும். 2031ம் ஆண்டில் நாட்டின் முன் மாதிரியான மாநிலமாக தமிழகம் மாறும்.

Jun 18, 2026, 10:37 am IST

சமூகநீதி கணக்கெடுப்பு

மத்திய அரசு சாதிவாரி கணக்கெடுப்பை விரைந்து முடிக்க வேண்டும். மத்திய அரசு சாதிவாரி கணக்கெடுப்பு செய்த உடன், தமிழக அரசு சமூகநீதி கணக்கெடுப்பை மேற்கொள்ளும்

Jun 18, 2026, 10:32 am IST

மேகதாது விவகாரம்

மேகதாது விவகாரத்தில் தமிழகத்தின் சட்ட நடவடிக்கை தொடரும். தமிழகத்திற்கான உரிய நீரை கர்நாடகா வழங்கவில்லை. உபரி நீரை மட்டுமே கர்நாடாக வழங்குகிறது. - ஆளுநர் அர்லேக்கர்

Jun 18, 2026, 10:28 am IST

மொழிக்கொள்கை

தமிழ்நாட்டில் இரு மொழிக்கொள்கையே தொடரும். தமிழை சென்னை உயர்நீதிமன்ற வழக்காடு மொழியாக அறிவிக்க வேண்டும். - ஆளுநர் அர்லேக்கர்

Jun 18, 2026, 10:24 am IST

இரு மொழிக்கொள்கையே தொடரும்

தமிழ்நாட்டில் இரு மொழிக்கொள்கையே தொடரும் என ஆளுநர் உரையில் உறுதி

Jun 18, 2026, 10:18 am IST

வாக்குறுதிகள் நிறைவேற்றப்படும்

மாநிலத்தின் கடன் 2 மடங்காக உயர்ந்திருக்கிறது. வருவாய் பற்றாக்குறை இருந்தாலும் கூட, கொடுத்த வாக்குறுதிகள் நிறைவேற்றப்படும் என்று ஆளுநர் உரையில் உறுதி.

Jun 18, 2026, 10:14 am IST

அனைவருக்கும் அனைத்தும்

அனைவருக்கும் அனைத்தும் கிடைக்கும் வகையில் ஆட்சி இருக்கும் என்று ஆளுநர் உரையில் உறுதி

Jun 18, 2026, 10:11 am IST

ஆளுநர் உரை

அண்ணா உரையை சுட்டிக்காட்டி, ஆளுநர் ஆர்.வி.அர்லேக்கர் உரை. ஜனநாயகத்தில் மக்களே நாயகர்கள் என்கிற அண்ணாவின் உரையை சுட்டிக்காட்டி ஆளுநர் பேச்சு.

Jun 18, 2026, 10:03 am IST

2வதாக தேசிய கீதம்

தமித்தாய் வாழ்த்து பாடலை தொடர்ந்து, 2வதாக தேசிய கீதம் பாடப்பட்டு சட்டமன்ற கூட்டத்தொடர் தொடங்கியது

Jun 18, 2026, 10:02 am IST

தமிழ்த்தாய் வாழ்த்து பாடல்

தமிழ்த்தாய் வாழத்து பாடலுடன் சட்டமன்ற கூட்டத்தொடர் தொடங்கியது

Jun 18, 2026, 9:59 am IST

சட்டமன்ற கூட்டத்தொடர் தொடங்கியது

தமிழகத்தின் 17வது சட்டமன்ற கூட்டத்தொடர் தொடங்கியது. இது தவெக அரசின் முதல் சட்டமன்ற கூட்டத்தொடராகும்.

Jun 18, 2026, 9:55 am IST

சட்டமன்றத்திற்கு வந்த ஆளுநர் அர்லேக்கர்

Jun 18, 2026, 9:55 am IST

ஆளுநர் வருகை

சட்டமன்ற கூட்டதொடர் தொடங்க இருக்கும் நிலையில், ஆளுநர் அர்லேக்கர் சட்டமன்றத்திற்கு வருகை

Jun 18, 2026, 9:43 am IST

முதலமைச்சர் விஜய் வருகை

தமிழக சட்டப்பேரவை இன்னும் சிறிது நேரத்தில் ஆளுநர் உரையுடன் தொடங்க இருக்கும் நிலையில், முதலமைச்சர் விஜய் சட்டமன்றத்திற்கு வந்துள்ளார்.

Jun 18, 2026, 9:39 am IST

எடப்பாடி பழனிசாமி வருகை

தமிழக சட்டப்பேரவை இன்றும் சற்று நேரத்தில் தொடங்க இருக்கும் நிலையில், அதிமுக பொதுச்செயலாளர் எடப்பாடி பழனிசாமி சட்டப்பேரவைக்கு வந்தார்.

Jun 18, 2026, 9:31 am IST

பதாகை ஏந்தி வந்த உதயநிதி ஸ்டாலின்

தமிழகத்தில் சட்டம் ஒழுங்கு பிரச்சனையை விஜய் தலைமையிலான அரசு கண்டுகொள்ளாமல் மவுனம் காப்பதாக, அரசை கண்டித்து பதாகை ஏந்தி முழக்கமிட்ட எதிர்க்கட்சி தலைவர் உதயநிதி ஸ்டாலின் மற்றும் திமுக எம்எல்ஏக்கள்

Jun 18, 2026, 9:27 am IST

கருப்பு பேட்ஜ், பதாகை

முதலமைச்சர் விஜய் மற்றும் தவெக அரசுக்கு எதிராக கருப்பு பேட்ஜ் மற்றும் பதாகைகளை ஏந்தி சட்டமன்றத்திற்கு வந்த எதிர்க்கட்சி தலைவர் உதயநிதி ஸ்டாலின் உள்ளிட்ட திமுக எம்எல்ஏக்கள். சட்டமன்றம் கெட்டுவிட்டதாக திமுக எம்எல்ஏக்கள் முழக்கம்.

Jun 18, 2026, 9:23 am IST

கருப்பு பேட்ஜ் எதிர்க்கட்சி தலைவர் உதயநிதி ஸ்டாலின் உள்ளிட்ட திமுக எம்எல்ஏக்கள், 'வாய் திறங்க சிஎம்' என்று கருப்பு பேட்ஜ் அணிந்துக்கொண்டு சட்டமன்றத்திற்கு வந்திருக்கிறார்கள்.

Jun 18, 2026, 9:17 am IST

முதலில் தமிழ்த்தாய் வாழ்த்து பாடப்படுமா? முதலமைச்சர், அமைச்சர்கள் பதவியேற்பு விழாவில் இப்போது வரை தேசிய கீதம்தான் முதலில் பாடப்பட்டு வருகிறது. ஆனால், தமிழ்த்தாய் வாழ்த்து முதலில் பாடப்படுவதுதான் மரபு. அந்த வகையில் இன்று சட்டப்பேரவை நிகழ்வுகள் தொடங்கும்போது, முதலில் தமிழ்த்தாய் வாழ்த்து பாடப்படுமா? என்கிற எதிர்பார்ப்பு எழுந்திருக்கிறது.

Jun 18, 2026, 9:14 am IST

இன்று சட்டமன்ற கூட்டத்தில், மகளிர் உரிமைத் தொகை ரூ.2500, அனைத்து பேருந்துகளிலும் மகளிருக்கு இலவச பயணம் உள்ளிட்ட திட்டங்கள் தொடர்பான அறிவிப்புகளை முதலமைச்சர் வெளியிடுவாரா? என்கிற எதிர்பார்ப்பு அதிகரித்திருக்கிறது.

9:14 AM, 18 Jun