”இன்னைக்கு கண்டிப்பா தமிழ்நாட்டில் மழை நிச்சயம்” - வானிலை மையம்
சென்னை: தமிழ்நாட்டில் ஒரு சில இடங்களில் இன்று இடியுடன் கூடிய மழை பெய்ய வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.
தமிழ்நாட்டில் கடந்த சில தினங்களாகவே ஆங்காங்கே நல்ல மழை பெய்து வருகிறது. அதிலும் வட தமிழகத்தில் நல்ல மழை பெய்கிறது. தென் தமிழகத்தின் ஒரு சில இடங்களில் மழை பெய்து வருகிறது. தமிழ்நாட்டில் அவ்வப்போது மழைபெய்வதால் வெப்பம் தணிந்து காணப்படுகிறது.
இந்த நிலையில் அடுத்த 24 மணி நேரத்தில் தமிழகத்தில் ஒரு சில இடங்களில் இடியுடன் மழை பெய்ய வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது. இதுகுறித்து சென்னை வானிலை ஆய்வு மைய அதிகாரி ஒருவர் வெப்பச்சலனம் காரணமாக கடந்த சில தினங்களாகவே தமிழ்நாட்டில் அநேக இடங்களில் மழை பெய்து கொண்டு இருக்கிறது.
அடுத்த 24 மணி நேரத்தை பொறுத்தவரையில் வெப்பச்சலனத்தால் தமிழ்நாட்டில் ஒரு சில இடங்களில் இடியுடன் கூடிய மழை பெய்ய வாய்ப்பு இருக்கிறது. ஓரிரு இடங்களில் மாலை மற்றும் இரவு நேரங்களில் கனமழை பெய்யவும் வாய்ப்பு இருக்கிறது. சென்னையை பொறுத்தவரையில், வானம் லேசான மேகமூட்டத்துடன் காணப்படும். நகரின் சில பகுதிகளில் மாலை நேரத்தில் மழை பெய்ய வாய்ப்பு உள்ளது" என்று தெரிவித்தார்.