தமிழக பாஜக தலைவராக தமிழிசை சவுந்தரராஜன் மீண்டும் தேர்வு?

சென்னை: தமிழக பாரதிய ஜனதா கட்சியின் தலைவராக தமிழிசை சவுந்தரராஜன் மீண்டும் தேர்வு செய்யப்பட்டதாக தகவல்கள் வெளியாகி உள்ளன.

தமிழக சட்டசபை தேர்தல் நெருங்கும் நிலையில் தமிழக பாரதிய ஜனதாவுக்கு புதிய தலைவர் நியமிக்கப்படலாம் என கூறப்பட்டது. பாஜகவின் ஹெச். ராஜா, வானதி சீனிவாசன் உள்ளிட்ட பலரது பெயர்களும் புதிய தலைவர் பதவிக்கு அடிபட்டு வந்தன.

இந்நிலையில் தற்போதைய தலைவர் தமிழிசை சவுந்தரராஜனே மீண்டும் தேர்ந்தெடுக்கப்பட்டுவிட்டதாக டெல்லி தகவல்கள் தெரிவிக்கின்றன.

இதற்கான அதிகாரப்பூர்வ அறிவிப்பு ஓரிரு நாட்களில் வெளியாகும் என கூறப்படுகிறது. தமிழிசை சவுந்தரராஜன் மீண்டும் தலைவராக நியமிக்கப்படும் நிலையில் 3 ஆண்டுகாலம் அவர் இப்பதவியை வகிப்பார்.

English summary

Sources tipped that Tamilisai Soundararajan reelected to the TN BJP leader post.