தமிழிசை மகன் திருமணம்: கருணாநிதி, ஸ்டாலின், பிரேமலதா, திருமாவளவன் நேரில் வாழ்த்து

By Karthikeyan

Updated: Thursday, February 18, 2016, 8:52 [IST]

Subscribe to Oneindia Tamil

சென்னை: தமிழக பாரதீய ஜனதா கட்சி தலைவர் தமிழிசை சவுந்தரராஜன் மகன் திருமண வரவேற்பு நிகழ்ச்சியில் திமுக தலைவர் கருணாநிதி, ஸ்டாலின், விஜயகாந்தின் மனைவி பிரேமலதா, திருமாவளவன் உள்ளிட்டோர் நேரில் கலந்து கொண்டு வாழ்த்து தெரிவித்தனர்.

தமிழக பாரதீய ஜனதா கட்சி தலைவர் டாக்டர் தமிழிசை - டாக்டர் சவுந்தரராஜன் தம்பதியரின் மகன் டாக்டர் சுகநாதனுக்கும் கோவையைச் சேர்ந்த செல்வராஜ் - கோகிலா தம்பதியின் மகள் டாக்டர் திவ்யாவுக்கும் இன்று காலை சென்னை தேனாம்பேட்டை காமராஜ் அரங்கத்தில் திருமணம் நடைபெற்றது.

Tamilisai Soundararajan Son Marriage function

இதைத் தொடர்ந்து அரசியல் கட்சி தலைவர்கள், முக்கிய பிரமுகர்கள், பாஜக நிர்வாகிகள், தொண்டர்கள் மணமக்களுக்கு வாழ்த்து தெரிவித்தனர்.

மேகாலயா கவர்னர் சண்முகநாதன் மணமக்களை நேரில் வாழ்த்தினார். முதல்வர் ஜெயலலிதா சார்பில் மணமக்களுக்கு பூங்கொத்தும், பரிசு பொருளும் வழங்கப்பட்டது. திருமண விழாவில் பாமக இளைஞர் அணித் தலைவர் அன்புமணி ராமதாஸ், தமிழ்நாடு காங்கிரஸ் கமிட்டி தலைவர் இளங்கோவன், திமுக மகளிர் அணி தலைவர் கனிமொழி, பாஜக தலைவர்கள் இல.கணேசன், எஸ்.மோகன்ராஜூலு மற்றும் விஜிபி நிறுவனங்களின் தலைவர் வி.ஜி.சந்தோஷம் உள்ளிட்டோர் கலந்து கொண்டு மணக்களை வாழ்த்தினர்.

பின்னர் மாலையில் நடைபெற்ற திருமண வரவேற்பு நிகழ்ச்சியில் திமுக தலைவர் மு.கருணாநிதி, பொருளாளர் ஸ்டாலின், தேமுதிக தலைவர் விஜயகாந்த் மனைவி பிரேமலதா, சுதிஷ், விடுதலைச் சிறுத்தைகள் தலைவர் தொல். திருமாவளவன்,பாஜக எச்.ராஜா, காங்கிரஸ் திருநாவுக்கரசர் உள்ளிட்ட தலைவர்கள் நேரில் கலந்து கொண்டு மணமக்களை வாழ்த்தினர்.