டிடிவி தினகரன்- வைத்திலிங்கம் எம்பி ஆதரவாளர்கள் மோதல்: தஞ்சாவூரில் பதற்றம்

டிடிவி தினகரன் மற்றும் வைத்திலிங்கம் எம்பி ஆதரவாளர்களிடையே தஞ்சாவூரில் கைகலப்பு ஏற்பட்டதால் அந்தப் பகுதியில் பதற்றம் நிலவுகிறது.

சென்னை: டிடிவி தினகரன் மற்றும் வைத்திலிங்கம் எம்பி ஆதரவாளர்களிடையே தஞ்சாவூரில் கைகலப்பு ஏற்பட்டதால் அந்தப் பகுதியில் பதற்றம் நிலவுகிறது. அதனால் போலீஸ் பாதுகாப்பு அதிகரிக்கப்பட்டுள்ளது.

அதிமுக அம்மா அணியிலிருந்து வைத்திலிங்கம் எம்பியை நீக்கியதாக டிடிவி தினகரன் அறிவித்தார். இதனால் கொந்தளித்த வைத்திலிங்கம் ஆதரவாளர்கள் தஞ்சாவூரில் தினகரன் உருவபொம்மையை எரிக்க முயன்றனர்.

இதனைத் தினகரன் ஆதரவாளர்கள் தடுக்க முயன்றனர். இதனால் இருதரப்புக்கும் இடையே வாக்குவாதம் ஏற்பட்டு பின்னர் அது கைகலப்பாக மாறியது.

போலீசார் முன்னிலையிலேயே ஒருவரையொருவர் பிடித்து தள்ளி மோதலில் ஈடுபட்டனர். ஒருகட்டத்தில், உருட்டுக்கட்டைகளைக் கொண்டு ஒருவரையொருவர் தாக்க முயன்றனர்.

இதனையடுத்து களத்தில் இறங்கிய போலீசார், இரண்டு தரப்பினரையும் தடுத்துச் சமாதானப்படுத்தியதால் பெரும் மோதல் நடக்காமல் தடுக்கப்பட்டது. பின்னர் வைத்திலிங்கம் ஆதரவாளர்கள், தினகரன் உருவபொம்மையை தீயிட்டுக் கொளுத்தினர்.

இந்தச் சம்பவத்தால் தஞ்சாவூர் மாவட்டத்தில் பதற்றம் நிலவுகிறது.

English summary

TTV Dinakaran and Vaithilingam MP supporters Clash at Tanjore. Security Tightened in that areas.