யார் யார் எந்தெந்த யோகாவை பண்ணும் தெரியுமா? கூப்பிடுங்க "104" ..சென்னையில தான்..

Published: Sunday, June 21, 2015, 1:32 [IST]

Subscribe to Oneindia Tamil

சென்னை : யார், எந்த வகையான யோகா செய்யலாம் என, தெரிந்து கொள்ள வசதியாக, '104' தொலைபேசி வழி மருத்துவ சேவை மையத்தில், இன்று (ஞாயிறு) சிறப்பு ஆலோசனை வழங்கப்படுகிறது.

இன்று சர்வதேச யோகா தினம் கொண்டாடப்படுகிறது. யோகாவின் அவசியத்தை உணர்த்த, மத்திய அரசும், பல அமைப்புகளும் யோகா பயிற்சி உள்ளிட்ட, பல்வேறு நிகழ்ச்சிகளுக்கு ஏற்பாடு செய்துள்ளன.

இந்த நிலையில், '104' சேவை மையத்தில், இன்று காலை, 9:00 மணி முதல், 12:30 மணி வரை, யோகா, தியானம் குறித்த சிறப்பு ஆலோசனை தரப்படுகிறது.

'யார், எந்த வகையான யோகா செய்யலாம்; எளிதாக தியானம் செய்வது எப்படி போன்ற, பல சந்தேகங்களுக்கு, யோகா, தியான நிபுணர்கள் விளக்கம் அளிக்கின்றனர். கிராமப்புற மக்களும் பயன்பெறும் வகையில், இந்த ஏற்பாடு செய்யப்பட்டுள்ளதாக அதன் அமைப்பாளர்கள் தெரிவித்துள்ளனர்.

Published On June 21, 2015