தமிழக சட்டசபை தேர்தல் செலவு ரூ.210 கோடி, விளம்பரத்திற்கு ரூ.25 கோடி: ராஜேஷ் லக்கானி

சென்னை: தமிழக சட்டசபை தேர்தலை நடத்த ரூ. 210 கோடி செலவானதாக தமிழக தலைமை தேர்தல் அதிகாரி ராஜேஷ் லக்கானி தெரிவித்துள்ளார்.

இது குறித்து அவர் செய்தியாளர்களிடம் கூறுகையில்,

தமிழக சட்டதபை தேர்தலை நடத்த ரூ.210 கோடி செலவானது. தேர்தல் குறித்து வாக்காளர்களிடையே விழிப்புணர்வு ஏற்படுத்த மட்டும் ரூ.25 கோடி செலவு செய்யப்பட்டது. வேட்பாளர்கள் தங்களின் தேர்தல் செலவு கணக்கை வரும் ஜூன் மாதம் 19ம் தேதிக்குள் தாக்கல் செய்ய வேண்டும்.

திருப்பரங்குன்றம் எம்.எல்.ஏ. மரணம் அடைந்தது குறித்து தேர்தல் ஆணையத்திற்கு தகவல் தெரிவிக்கப்பட்டது. அரவக்குறிச்சி, தஞ்சாவூர் தேர்தலுடன் திருப்பரங்குன்றம் இடைத்தேர்தலையும் சேர்த்து நடத்த வாய்ப்பு உள்ளது.

சமூக வலைதளங்களில் தலைவர்கள் பிரச்சாரம் செய்தது குறித்து விசாரணை நடத்தப்படும். குறைவான அளவில் வாக்குப்பதிவு நடந்த இடங்களில் ஆய்வு செய்யப்படும். அடுத்த தேர்தலில் 100 சதவீத வாக்குகளை பெற முயற்சி செய்யப்படும்.

அடுத்த தேர்தலில் தனியார் இடங்களிலும் வாக்குச்சாவடிகள் அமைக்கப்படும். தேர்தல் நேரத்தில் பறிமுதல் செய்யப்பட்ட ரூ.105.2 கோடியில் ரூ. 47.44 லட்சம் திருப்பிக் கொடுக்கப்பட்டுள்ளது என்றார்.

English summary

TN CEO Rajesh Lakhoni said that Rs. 210 crore has been spent to conduct assembly election in Tamil Nadu.