ஜெயலலிதா தலைமையில் இன்று அமைச்சரவை கூடுகிறது

By Siva

Published: Tuesday, October 22, 2013, 9:34 [IST]

Subscribe to Oneindia Tamil

சென்னை: முதல்வர் ஜெயலலிதா தலைமையில் தலைமைச் செயலகத்தில் இன்று அமைச்சரவைக் கூட்டம் நடைபெறப்போவதாக தகவல்கள் வெளியாகியுள்ளன.

தாது மணல் கடத்தல், காமன்வெல்த் மாநாட்டில் இந்தியா பங்கேற்கக் கூடாது என்று பிரதமர் மன்மோகன் சிங்கிற்கு முதல்வர் ஜெயலலிதா பல முறை கடிதம் எழுதியும் மத்திய அரசு இன்னும் தனது நிலைப்பாட்டை தெளிவுபடுத்தாமல் இருப்பது உள்ளிட்ட பிரச்சனைகள் உள்ளன. இந்த சூழலில் ஜெயலலிதா தலைமையில் அமைச்சரவை கூட்டம் இன்று மதியம் 3 மணிக்கு தலைமைச் செயலகத்தில் நடைபெறும் என்று தகவல்கள் வெளியாகியுள்ளன.

இன்றைய கூட்டத்தில் சில முக்கிய தீர்மானங்கள் நிறைவேற்றப்படும் என்று கூறப்படுகிறது. நாளை சட்டசபை கூடவிருக்கின்ற நிலையில் இன்று அமைச்சரவை கூட்டம் நடக்கிறது என்பது குறிப்பிடத்தக்கது.

Published On October 22, 2013