அதிமுக மீது கமலுக்கு வெறுப்பு- ஆட்சியே இருக்கக் கூடாது என நினைக்கிறார்- அன்வர் ராஜா பதிலடி!
அதிமுக மீது கமலுக்கு வெறுப்பு ஏற்பட்டுள்ளது. எங்கள் ஆட்சியே இருக்கக் கூடாது என்பதுதான் அவரது எண்ணம் என்று அதிமுக எம்பி அன்வர் ராஜா சாடியுள்ளார்.
சென்னை: தமிழகம் சரியான பாதையில்தான் சென்று கொண்டிருக்கிறது. எங்கள் மீது கமலுக்கு வெறுப்பு என்று அதிமுக எம்.பி. அன்வர்ராஜா சாடியுள்ளார்.
ஊழல்களுக்கு பொறுப்பேற்று முதல்வர் பதவி விலக வேண்டும் என்று கமல்ஹாசன் நேரடியாக டுவிட்டரில் கருத்து வெளியிட்டுள்ளார். இதற்கு அதிமுக எம்பி அனவர் கொடுத்த பதிலடி:
சரியான பாதைதான்
தமிழகம் சரியான பாதையில்தான் செல்கிறது. சரியான பாதையில் செல்லவில்லை என்றால் முறையான விளக்கத்தை தர வேண்டும்.
வெறுப்புதான்
அதிமுக உள்கட்சி விவகாரத்தில் குதிரை பேரம் நடக்க எங்கு வாய்ப்புள்ளது. அதிமுக மீது கமலுக்கு வெறுப்பு உள்ளது, அது என்னதான் என்று தெரியவில்லை.
ஆழமான எண்ணம்
சினிமாவை போன்று அரசியலும் இருக்கும் என நினைக்கிறார் கமல். அதிமுக ஆட்சி இருக்கக் கூடாது நீக்க வேண்டும் என்பது அவரது ஆழமான எண்ணமாக உள்ளது.
விஸ்வரூபம்
விஸ்வரூபம் படத்துக்கு ஏற்பட்ட பிரச்சினையை மனதில் வைத்துக் கொண்டு எதிர்க்கிறார். ஜெயலலிதா இல்லாத நிலையில் தற்போது கமல்ஹாசன் எதிர்த்து வருகிறார்.
இவ்வாறு அன்வர் ராஜா கூறினார்.
Click it and Unblock the Notifications
Sign in with Google