ஜெயலலிதாவை சந்திக்க விரும்புகிறேன்..: சொல்வது ஈவிகே எஸ் இளங்கோவன்!

By Mathi

Updated: Monday, November 10, 2014, 16:03 [IST]

Subscribe to Oneindia Tamil

சென்னை: திமுக தலைவர் கருணாநிதியை சந்தித்தது போல அதிமுக பொதுச்செயலர் ஜெயலலிதா, அருமை நண்பர் விஜயகாந்த், என்னைவிட வயது மூத்த வைகோ உள்ளிட்டோரையும் தாம் சந்திக்க விரும்புவதாக கூறியுள்ளார் தமிழக காங்கிரஸ் கமிட்டித் தலைவர் இளங்கோவன்.

சென்னையில் இன்று செய்தியாளர்களிடம் ஈ.வி.கே.எஸ். இளங்கோவன் கூறியதாவது:

காங்கிரஸை விட்டு வெளியேறிவர்கள் பற்றி திரும்ப திரும்ப கேட்க வேண்டாம். பிற மாவட்டங்களைச் சேர்ந்த காங்கிரஸ் தொண்டர்கள் சென்னைக்கு வர வேண்டாம்.

நாங்களே நேரில் வந்து உங்களை சந்திக்கிறோம். பால்விலை உயர்வுக்கு கடுமையாக கண்டனம் தெரிவித்திருந்த முன்னாள் தமிழக காங்கிரஸ் தலைவர் ஞானதேசிகன் போராட்டத்தையும் நடத்தியிருக்கலாம்.

பிரதமர் மோடி, பாரதிய ஜனதாவை முழுமையாக தனது கட்டுப்பாட்டின் கீழ் கொண்டு வந்துள்ளார். இதனைத் தொடர்ந்து மாநிலக் கட்சிகளை ஒழிக்கும் நடவடிக்கையை அவர் மேற்கொண்டுள்ளார்.

இதனால்தான் சிவசேனா எம்பியை இரவோடு இரவாக கட்சியில் உறுப்பினராக்கி அமைச்சராக்கியுள்ளனர்.