டொமாட்டோ தெரியும் அதென்ன அம்மாடோ.... ஒரு தக்காளிக்கு இந்த அக்கப்போரா?

அதிமுகவினர் என்றாலே அம்மாவிற்கு குனிந்து கும்பிடு போடுபவர்கள். கார் டயரை கூட விடாமல் கும்பிடுபவர்கள் என்றாகிவிட்டது. ஒரு விவசாயி வீட்டு தோட்டத்தில் விளைந்த தக்காளி குனிந்து கும்பிடு போடுவது போல இருக்கிறது. இந்த தாக்காளியை 'அம்மாடோ' என்று போட்டு வைரலாக்கி வருகின்றனர்.

ஒரு வேள போய்ஸ் கார்டனல காய்த்திருக்குமோ #அம்மா தக்காளி😝😝😝👇 pic.twitter.com/BDsTkveRrz

— என் தாகம் (@bijubons) May 3, 2016

அமைச்சர்கள், எம்.எல்.ஏக்கள் அதிமுகவினர் அனைவரும் ஜெயலலிதாவைப் பார்த்து சாஸ்டாங்கமாய் விழுந்து வணங்குவார்கள். இந்த தக்காளியைப் பார்த்தால் அப்படி விழுந்து கும்பிடும் அதிமுகவினரைப் போலவே இருப்பதாக கூறி ஆள் ஆளுக்கு ஃபேஸ்புக், டுவிட்டர்களில் வைரலாக்கி வருகின்றனர்.

வேட்புமனு தாக்கலில் ஜெயலலிதா தன்னை ஒரு விவசாயி என்று கூறியுள்ளதால் இது ஜெயலலிதா வீட்டில் விளைந்த தக்காளியாகவும் இருக்கலாம் என்றும் கேட்டு வருகின்றனர்.

என்னமோ போங்க வலைஞர்களே...ஒரு தக்காளிக்கு இந்த அக்கப்போரா? தேர்தல் முடிவதற்குள் இன்னும் என்னென்ன வரப்போகுதே தெரியலையே.

English summary

Tomato called Ammato.