அங்கிட்டு ராமர், சீதை படங்கள்... இங்கிட்டு பெரியார் படம் எரிப்பு- சென்னையில் பரபரப்பு!
சென்னை: வட இந்தியாவில் ராமலீலா என்ற பெயரில் ராவணன் உருவபொம்மைகள் எரிக்கப்படுவதற்கு எதிர்ப்பு தெரிவித்து சென்னையில் தந்தை பெரியார் தி.க. ராவணலீலா என்ற பெயரில் ராமர், சீதை உருவங்களை எரித்தனர். இதற்கு போட்டியாக தந்தை பெரியார் உருவப் படத்தை இந்து மக்கள் கட்சியினர் எரித்தனர்.
ராமலீலா என்ற ராவணன் உள்ளிட்டோரின் உருவபொம்மைகளை வட இந்தியர்கள் எரித்து கொண்டாடுவர். இதற்கு பெரியாரிய இயக்கங்கள் பல ஆண்டுகாலம் எதிர்ப்பு தெரிவித்து வருகின்றன.
இந்த ஆண்டு ராமலீலாவுக்கு எதிராக சென்னையில் ராவணலீலா நடத்துவோம் என கோவை ராமகிருஷ்ணன் தலைமையிலான தந்தை பெரியார் தி.க. அறிவித்து இருந்தது. இதற்கு இந்துமக்கள் கட்சி உள்ளிட்ட இந்துத்துவா அமைப்புகள் எதிர்ப்பு தெரிவித்திருந்தன.
இந்த நிலையில் சென்னை ராயப்பேட்டையில் நேற்று ராமர், சீதை, லட்சுமணன் உருவபொம்மைகளை எரித்து ராவணலீலா போராட்டத்தை பெரியார் தி.க.வினர் நடத்தினர். அதே நேரத்தில் மயிலாப்பூர் கபாலீஸ்வரர் கோவில் முன்பாக தந்தை பெரியார் உருவபடத்தை இந்து மக்கள் கட்சியினர் எரித்தனர்.
போட்டி போட்டு இரு இயக்கங்களும் உருவபொம்மைகளை எரித்ததால் மயிலாப்பூர், ராயப்பேட்டை பகுதிகளில் பரபரப்பு ஏற்பட்டது.
Click it and Unblock the Notifications
Sign in with Google