தண்டவாளத்தில் விரிசல்.. தாம்பரம்-செங்கல்பட்டு வழித்தடத்தில் புறநகர் ரயில்கள் தாமதம்.. பயணிகள் அவதி

சென்னை: சிங்கப்பெருமாள் கோவில் அருகே தண்டவாளத்தில் ஏற்பட்ட விரிசல் காரணமாக சென்னை புறநகர் ரயில்கள் தாமதமாக இயக்கப்படுகின்றன.

காஞ்சிபுரம் மாவட்டத்தின் சிங்கபெருமாள்கோயில்-காட்டாங்குளத்தூர் நடுவே தண்டவாளத்தில் ஏற்பட்ட விரிசலை ரயில்வே ஊழியர்கள் கண்டுபிடித்தனர்.

இதயைடுத்து தண்டவாளத்தை சீரமைக்கும் பணியில் ரயில்வே ஊழியர்கள் ஈடுபட்டுள்ளனர்.

இதையடுத்து, சிங்கபெருமாள்கோயில்-காட்டாங்குளத்தூர் இடையே குறைவான வேகத்தில் ரயில்கள் இயக்கப்படுகின்றன. இதனால், செங்கல்பட்டு-தாம்பரம் இடையே புறநகர் ரயில் சேவை கடந்த காலை 6 மணி முதல் பாதிக்கப்பட்டது.

காலையிலேயே பணிக்கு செல்ல புற நகர் ரயில்களை நம்பியிருக்கும் பயணிகள் இதனால் அவதிப்பட்டனர்.

English summary

Train service affected between Tambaram and Chengalpattu due to track cracking. Train passengers suffer.