குமாரு கொஞ்சம் சுமாருதான்... சொத்து விஷயத்தில் அதிமுக வேட்பாளரை ஓவர் டேக் செய்த திமுக!

Updated: Thursday, April 3, 2014, 12:00 [IST]

Subscribe to Oneindia Tamil

திருச்சி: திருசசி தொகுதியில் அதிமுக சார்பில் போட்டியிடும் குமாரை விட திமுக வேட்பாளர் அன்பழகனுக்கு நிறைய சொத்துக்கள் உள்ளது அதிமுகவினரிடையே சலசலப்பை ஏற்படுத்தியுள்ளது.

இத்தனைக்கும் திருச்சி தொகுதியின் நடப்பு உறுப்பினர் குமார்தான். ஆனால் எம்.பியை விட எதிர்க் கட்சி வேட்பாளருககு நிறைய சொத்துக்கள் இருப்பது பலரையும் ஆச்சரியப்படுத்தியுள்ளது.

திருச்சி திமுக வேட்பாளர் அன்பழகன் சொத்துக்களை முதலில் பார்ப்போம்... அவர் கொடுத்த தகவல் அப்படியே...

இமெயில் கிடையாது

எனக்கு, சித்ரா என்ற மனைவி, மகள்கள் சரண்யா, ரக்ஷனா உள்ளனர். இ-மெயில் முகவரி, சமூக வலைதளம் கணக்கு இல்லை. வருமான வரிக்கணக்கில் காட்டப்பட்ட மொத்த வருமானம், ரூ.9,26,738, சித்ராவுக்கு, ரூ.17,524.

கையிருப்பு இதுதான்

என் பெயரில் கையிருப்பு ரொக்கமாக ரூ.3,21,650. மனைவி சித்ரா பெயரில், ரூ.2,11,107. அன்பழகனுக்கு வங்கி கணக்கில், ரூ.23,930.30. சித்ராவுக்கு, ரூ.470.97. சரண்யாவுக்கு, ரூ.6,000 வங்கியில் உள்ளது.

பாலிசி வகையில்

அன்பழகனுக்கு, எல்.ஐ.சி., பாலிசி, ரூ.31 லட்சம், சித்ராவுக்கு, பல்வேறு நிறுவனங்களில், ரூ.28,49,999 மதிப்பு பாலிசி உள்ளது. சரண்யா, ரக்ஷனாவுக்கு தலா, ரூ. ஒரு லட்சம் எல்.ஐ.சி., பாலிசி உள்ளது.

கடன் இது

அன்பழகனுக்கு கடனாக, ரூ.4,24,754, சித்ராவுக்கு, ரூ.50,445 உள்ளது. அன்பழகனுக்கு, ரூ.2.5 லட்சம் மதிப்பில், 100 கிராம், சித்ராவுக்கு ரூ.21 லட்சம் மதிப்பில், 825 கிராம், சரண்யாவுக்கு ரூ.ஒரு லட்சம் மதிப்பில், 40 கிராம் தங்கம் உள்ளது.

அசையும் சொத்து

அன்பழகனுக்கு, ரூ.10,20,334.30, சித்ராவுக்கு, ரூ.23,61,022.97, சரண்யாவுக்கு, ரூ.1,06,000, மொத்தம், 34 லட்சத்து 87 ஆயிரத்து 357 ரூபாய், 27 பைசா அசையும் சொத்து (பாலிசி நீங்கலாக) உள்ளது.

அசையாத சொத்துக்கள்

அன்பழகனுக்கு, ரூ.3.06 கோடி (சந்தை) மதிப்பில், 5,268 சதுரஅடியில் கே.கே.,நகரில் வணிகக்கட்டிடம் உள்ளது. மேலபுதூரில், ரூ.21 லட்சம் (சந்தை) மதிப்பில், 736.25 சதுரஅடியில் அடுக்குமாடி குடியிருப்பு ஒன்று உள்ளது. சித்ரா பெயரில், கே.கே.,நகரில் ரூ.58.80 லட்சம் (சந்தை) மதிப்பில், 3,920 சதுரஅடியில் வீடு உள்ளது. அன்பழகனுக்கு, ரூ.3.21 கோடி, சித்ராவுக்கு, ரூ.58.80 லட்சம் அசையும் சொத்து உள்ளது. அன்பழகன் பெயரில், ரூ.42,63,360 லட்சம், சித்ராவுக்கு, ரூ.87,00,688 கடன் உள்ளது. அன்பழகனுக்கு, 3.21 கோடி, சித்ராவுக்கு, ரூ.58.80 லட்சம் என, 3 கோடியே, 79 லட்சத்து 80 ஆயிரம் அசையா சொத்து உள்ளது.